Jawigii Uu Ku Furmay Shirka Nabadeynta Ceel-Afweyn Iyo Boqor Buurmadow Oo Madasha Soo Gaadhey

0

DAAWO: Shirkii nabadaynta beelaha walaalaha ah ee wada dega deegaanka Ceel-afwayn oo uu si habsami leh saaka uga furmay halkaasi, ayaa waxaa goobta shirka soo gaadhay Boqor Cismaan Buurmadow oo shalay ka baaqday imaatinka Madasha.

Ciidamo iyo Tiknikadoodii Oo Ka Soo Goostay Maamulka Goboleedka Soomaaliya ee Puntland oo Somaliland Ku Soo Biiray

0

Laascaanood (Hubaal)- Ciidamo tiro badan oo ku gaashaaman gaadiidka tiknikada iyo hubka fudud ayaa waxa ay maanta ka soo goosteen maamul Goboleedka Puntland, Iyagoo Ciidamada Qaranka Somaliland ku soo biiray, Waxaana Ciidamadan lagu soo dhaweeyay Duleedka Magaalada Laascaanood.

Madaxweyne Muuse Biixi Oo Kulan La Qaatay Safiirka Dalka Ingiriiska U Qaabilsan Somaliland Ambassador David Concar

0

Hargeysa-Hubaal)-Madaxweynaha Jamhuuriyadda Somaliland, Mudane Muuse Biixi Cabdi, ayaa kulan gaar ah la qaatay safiirka waddanka UK u qaabilsan dalalka Somaliland iyo Soomaaliya Ambassador David Concar oo booqasho ku jooga dalka.

Kulankan  oo maanta ka qabsoomay xarunta madaxtooyada Jamhuuriyadda Somaliland, ayaa markii uu soo dhammaaday, waxa warbaahinta uga warramay Af-hayeenka madaxweynaha Jamhuuriyadda Somaliland, Mudane Maxamuud Warsame Jaamac, waxaana isaga oo sharraxaya kulanka madaxweynaha iyo safiirka uu yidhi, “Kulankan waxa ay madaxweynaha Jamhuuriyadda Somaliland iyo safiirku kaga wada-hadaleen arrimo badan oo  khuseeya mandaqadda geeska Afrika iyo dalka Jamhuuriyadda Somaliland, kuwaas oo ay kamid yihiin wada-hadalladii Somaliland iyo Soomaaliya hore ugu socday oo muddo hakad ku  jirey iyo sidii dib loogu bilaabi lahaa, islamarkaana hannaankii wada-hadalladaas looga gaadhi lahaa xaqiiqo taabata dareenka labada waddan.”

Af-hayeenku isaga oo hadalkiisa sii wata, waxa uu intaas ku daray, “Waxa kale oo ay safiirka iyo madaxweynuhu ka wada-hadleen arrimaha doorashooyinka dalka Jamhuuriyadda Somaliland ka qoondaysan inay ka qabsoomaan sanadka soo socda, iyada oo uu madaxweynuhuna safiirka u caddeeyey inay xukuumad ahaan ka go’an tahay inay doorashooyinkaasi xilligoodii ku qabsoomaan, qaadhaankii kaga aaddanaa xukuumaddana ay hore u shubeen, waxaana uu u bandhigay dalka Ingiriiska iyo cid kasta oo ka qaybqaadata doorashooyinka Somaliland oo Ingiriisku kamid yahayna ay u furan tahay inay ka qayb-qaataan,” ayuu yidhi afhayeen Maxamuud Warsame Jaamac.

Afhayeenka madaxweynaha Jamhuuriyadda Somaliland, Mudane Maxamuud Warsame Jaamac, waxa uu shaaciyey in madaxweynaha iyo safiirku ay si qoto dheer uga wada-hadleen ka wada socoshada deggenaanshaha mandaqadda iyo isbeddelada ka socda, islamarkaana ay dawladda Ingiriisku diyaar u tahay ka qayb-qaadashada waddada isku xidha magaalooyinka Berbera iyo Wajaale, waxaana isaga oo arrimahaas ka hadlaya uu ydihi, “Sidoo kale waxa ay madaxeynaha iyo safiirku ka wada hadleen waddada isku xidha Berbera iyo Wajaale ee Berbera Corridor oo ay dalka Ingiriisku danaynayaan inay ka qayb qaataan hirgelinta dhismaha waddadaas iyo degenaanshaha mandaqadda geeska Afrika iyo saamaynta ay yeelan karto isbeddellada ka socdaa.”

Ugu dambayntii waxa uu af-hayeenku sheegay in madaxweyne Muuse Biixi Cabdi uu safiirka uga mahadceliyey doorka uu waddanka UK kaga jiro horumarka Jamhuuriyadda Somaliland, isaga oo safiirkuna dhinaciisa madaxweynaha ku bogaadiyey horumarka uu qarankiisa ku horseedka uga yahay.

“Sida Uu Noo Sheegay Guddoomiye Faysal Wuu Ka Dhaartay Arrimaha Qaarkood Ee Lagu Tuhmahayo Kulanka Farmaajana…..”

0

Xisbiga UCID Oo Sheegay In Dhiggiisa WADDANI Si Qaldan Bulshada Ugu Fasiray Arrimihii Faysal Cali Waraabe  Kala Hadlay Farmaajo

 

Hargeysa (Hubaal) –  Xisbiga Mucaaridka ee UCID, ayaa    guddoomiyahooda ka difaacay eedaymo uga yimi dhigooda  ee  WADDANI, kaasi oo naqdiyey kulankii uu Eng. Faysal Cali Waraabe iyo Dr. Cali Khaliif la yeesheen madaxweynaha Soomaaliya  Maxamed Cabdilaahi Farmaajo. Guddoomiiye ku xigeenka 1aad ee Xisbiga Mucaaridka ee UCID md Cabdinaasir Muxumed (Buuni) oo shalay Xarunta dhexe ee xisbigooda UCID Hargeysa ku leeyahay Saxaafadda kula hadlay, ayaa si dhinaca kale waxa uu ku dooday inay arimo badan oo siro ah oo Jamhuuriyadda Somaliland u dan ah ka soo baxeen kulankii Madaxweynaha Somalia md Maxamed Cabdilaahi Farmaajo , Guddoomiye Faysal Cali Waraabe iyo Prof. Cali Khaliif Galaydh ku dhex maray magaaladda Bruccelz ee dalka Belguim ka balse marka ay weftiga Faysal Hargeysa ku soo laabtaan shacabka Somaliland la wadaagi doonaan arimaha laga wada hadlay.

 

Md Cabdinaasir Muxumed (Buuni) oo ugu horeyn beeniyey eedaymihii Guddoomiyahooda Faysal Cali Waraabe uga yimid hogaamiyaha Waddani md Cabdiraxmaan Maxamed Cabdilaahi (Cirro) waxa uu yidhi “Umadda Somaliland waxaanu u sheegayna Xisbiga UCID maaha xisbi mar walba ku foogan kala qaybinta bulshadda reer Somaliland sida Xisbiyadda qaarkood ay mar walba mashquul ku yihiin kala qaybinta bulshadda reer Somaliland umana yaqaanaan taageerayaashayada xisbiga UCID dalka Jamhuuriyadda Somaliland Jeegaan iyo Giraan , maaha UCID xisbiga bixiyey kelmaddaha foosha xun leh ee maanta cadawga Somaliland uu dibadda kaga hadaaqo oo noqday kelmado nabar xun Somaliland ku noqday oo ay isticimaalaan cadawga Somaliland ka soo horjeeda balse nasiib daro waxa bixiyey walaalahayaga xisbiga Mucaaridka ee (Waddani), guddoomiyaha xisbiga UCID Eng. Faysal Cali Waraabe maaha shaqsi looga baqo qaranimadda Jamhuuriyadda Somaliland, waana masuul ku caan baxay u adeegida shacabka Somaliland iyo qaranka Somaliland wakhtigiisa oo dhana u hibeeyey ilaalinta iyo difaacista Jamhuuriyadda Somaliland sido kale guddoomiyaha xisbiga UCID waxa uu u mahadcelinayaa dhamaan shacbi waynaha reer Somaliland ee taageerada buuxda la garab istaagay guddoomiyahooda Faysal una muujiyey kalsoonida buuxda ee ay u qabaan, waxa xusid mudan intii uu saaxadda siyaasadda iyo Axsaabta Xisbiyadda ku jiray Guddoomiye Faysal in uu yahay kol kasta oo xaalad qalafsani soo food saarto in uu ahaa qofka kaliya ee ku suntan in uu xaaladdahaasi ka saaro qaranka Somaliland”

Guddoomiye Buuni oo hadalkiisa sii wata waxa uu cadeeyey in Madaxweynaha Somalia md Maxamed Cabdilaahi Farmaajo isagu marti qaaday kana codsaday in uu Faysal iyo Cali Khaliif kulan la qaato ee aanay iyagu dalbanin Belgiun-kana u tegin inay la kulmaan waxaanu yidhi “Guddoomiye Faysal sidii uu hore Saxaafadda uga sheegay kulanka uu madaxweyne Farmaajo la kulmay ma ahayn kulan ay isaga iyo Prof. Cali Khaliif Galaydh dalbadeen, balse madaxweyne Farmaajo ayaa dalbaday iyaga ta lafteeda waxaanu u aragna iyo sharaf wayn tahay in uu maanta Farmaajo Somaliland raadiyo , waxaanay ku timid qaranimaddeena Somaliland halka aynu ka istaagnay iyo mabaadiida aynu istaagnay xisbiyo ahaan iyo xukuumad ahaanba inaga oo mid qudha, kolka kulanka Faysal iyo Cali Khaliif ay la yeesheen waxa uu ahaa mid madaxweyne Farmaajo dhiniciisa ka yimid wuxu isagu rabayno uu inoo sheegay inaguna waxaynu kala hadalay sida uu guddoomiyuhu noo sheegay arimaha Somaliland, waanu ka dhaartay guddoomiyuhu arimaha qaarkood oo lagu tuhmay”

Md Cabdinaasir Muxumed (Buuni) ugu dambeyntii waxa uu inta ku daray in aanu jirin meel Guddoomiyaha UCID Eng. Faysal kaga qaybgalay Shirka Brussels dhaqaalaha loogu ururinaayo waxaanu yidhi “Mid kalena hadii aan xisbi ahaan cadayno, Shirkii Somalida loogu qabtay magaaladda Brussels ee dalka Belgium ee dhaqaalaha loogu ururinaayey Somalia, runtii kamay qaybgelin Guddoomiyaha Xisbiga UCID Eng. Faysal Cali Waraabe iyo Prof. Cali Khaliif Galaydh balse waxay halka u tageen inay Beesha Caalamka ee halka iskugu timid ay ka dhaadhiciyaan cadaadisna ku saaraan in aanay Jamhuuriyadda Somaliland ka qayb ahayn dhaqaalaha halka Somalia loogu ururinaayo isla markaana ay sido kale garab istaagaan dawladdaha daneynaaya in aan Somaliland waxba loogu darin wixii dunidu halka ku sinayso Somalia ee gaarkeeda loo siiyo qaranka  Somaliland, marka Faysal iyo Galaydh waxay Bruccels u tageen iyaga oo shirka aan lagu casuumin kana qaybgelin inay culays hadana wixii karaankooda ah ku saaraan madaxda iyo dublamaasiyiinta dalalka caalamka ee halka iskugu yimid intii ay la kulmi karaan, xaqiiqdiina kulanka ay Farmaajo la yeesheen wax aka soo baxay xogo badan iyo Siro badan oo dalka Jamhuuriyadda Somaliland khuseeya waxaana Faysal iyo weftigiisu marka ay yimaadaan u sheegi doonaan umadda Somaliland xoga rasmiga ah bushaarooyin wanaagsan ayey reer Somaliland u tahay”

“Shirka Brussels Waxa Tegay Guddoomiyihii UCID, Annaguna Maanu Ogayn Oo Amakaag Bay Nagu Noqotay, Waana Wax U Baahan In Isaga Iyo Ciddii La Socotayba Dib La Isaga Arko”

0

“Yurub Iyo Maraykan Baa Lacag Qaybinaysa Nooma Taallo, Annaguna Ma Qaadanayno San-Dareero Cid Noo Soo Marta, Waayo Wax Lacag Ka Badan Baanu U Hurnay Dalka In Dib Loogu Soo Celiyo Halkii Uu Lixdankii Joogay”

Madaxweyne Muuse Biixi oo Iska Barraxay Ka War-hayntiisa Shirkii Ay Faysal Cali Waraabe & Cali Khaliif Kaga Qayb Galeen Brussels+Mawqifkiisa Nabadaynta  Ceel-afweyn Iyo Doorashooyinka Sanadka Soo Socda Qorshaysan

Hargeysa – (Hubaal) – Madaxweynaha Jamhuuriyadda Somaliland, Mudane Muuse Biixi Cabdi, ayaa si faah-faahsan uga hadlay, shirkii dhawaan lagu soo gebo-gebeeyey magaalada Brussels ee xarunta dalka Beljamka ee lagaga hadlayey arrimaha Soomaaliya, nabadaynta lagu turxaan-bixinayo beelaha walaalaha ah ee ka socota degmada Ceel-afweyn iyo doorashooyinka goleyaasha deegaanka iyo wakiillada ee sanadka soo socda dalka ka qorshaysan. Ugu horrayn madaxweyne Muuse Biixi Cabdi, waxa uu bulshada u sharraxay ujeeddada shirkii dhawaan kusoo dhammaaday dalka Beljamka iyo ciddii lagula hadlayey, isaga oo hoosta ka xarriiqay inuu shirkaasi ahaa mid aan u qalmin inay Somaliland ka qayb-gasho, islamarkaana aanay marnaba Somaliland ka xaadiri doonin madal meeqaamkeeda iyo dawladnimadeeda waxyeello ku ah, waxaana isaga oo arrimahaas kaga  hadlay khudbad uu shalay jeediyey xilli uu kormeer ku maray laamaha garsoorka dalka  uu yidhi, “Shirka Brussels waxa loo qabtay Soomaaliya, iyagaa loo qabtay, iyagaa lagula hadlayey, meelna kumaynaan lahayn, qaabkii loo qabanayeyna weynu isku diidnay, waayo dawladaha qabanayey waxa ay doonayeen inay u arkaan inay Soomaaliya mid tahay. Shirkaa waxa la yidhi waxa lagu qaybinayaa deeq oo waxa la yidhi lacagaa lagu qaybinayaaye maxaynu uga hadhaynaa, horto deeqda iyo adduunka siisan mayno gobonnimadayada iyo rabitaanka dadkayaga, waxana aanu go’aansannay inaanu dawlad gaar ah oo madax bannaan noqono, markaa Yurub iyo Maraykan baa lacag qaybinaysa nooma taalla haddaan annaga toos naloo siinaynin, ma qaadanayno san-dareero cid noo soo marta, waayo wax lacag ka badan baanu u hurnay gobonnimada iyo dalka in dib loogu soo celiyo halkii uu lixdankii joogay.” Madaxweynuhu waxa uu shaaciyey inay yaab iyo amakaag ku noqotay tegitaankii madasha shirka ee guddoomiyaha xisbiga Ucid, Eng. Faysal Cali-waraabe, waxaana uu xusay inay arrintaasi tahay mid u baahan in dib loogu noqdo, “Iyadoo arrintu halkaas taagan tahay, ayaa waxa shirka tegay guddoomiyihii xisbiga UCID, maanu ogayn oo nagalamuu tashanin, waana wax inagu cusub iyo wax u baahan in dib la isaga arko, isaga iyo ciddii la socotayba amakaag bay nagu noqotay, shacbigu iyagaa waxan ilaashanaya oo ku mahadsan, xaqna waxa ay noogu leeyihiin inaanu dareenkooda ilaalino,” ayuu yidhi madaxweyne Muuse Biixi Cabdi. Dhinaca kale, waxa uu madaxweyne Muuse Biixi Cabdi, waxa uu ka hadlay shirka nabadaynta ah ee beelaha walaalaha ah uga socda deegaanka Ceel-afweyn ee gobolka Sanaag, waxaana uu u rajeeyey guul iyo nabad buuxda oo halkaas ka dhalata, waxaana uu yidhi, “Shirka nabadaynta ah ee ka socda Ceel-afweyn, haldoorka reer Somaliland ee madax-dhaqameed leh, culimo leh, taajir leh ee siyaasi leh, waa shirkii saddexaad ee ugu weynaa Somaliland, marka laga soo qaado kii Burco iyo kii Boorama. Waanu u ducaynaynaa, hareeraha ayeynu iska taagaynaa, waxaana aynu ka rajaynaynaa inay arrintaasi inagaga soo dhammaato nabad, dadkaas dhibaatadu afarta sano haysatayna ay ku walaaloobaan.” Madaxweynuhu waxa uu xusay in qoor-weynta iyo guurtida shirka ku sugan looga fadhiyo inay garta axadhaan, isla markaana runta u kala sheegaan beelaha walaalaha ee xurguftu dhex-taallo, si xukuumaddu u hirgeliso waajibkeeda fulineed, “Nabaddu waxa ay ku imanaysaa inaan maalin walba la odhanin kii gar-darraana halla dhawro, kii dulmanaana dulqaado’e in ninka garta daran maxkamad la taago oo shirkaasi weyni ciddaas ayaa gardaran, tallaabadaasna waa laga qaadayaa, qof qudha oo garsoore ah, ayaa go’aan adag gaadha oo markaan eegay sidaas ayey ila noqotay yidhaahda’e shirweyneyaasha waxa aynu ka sugaynaa ama ka Ceel-afweyna ha noqoto ama ka xukuumadda iyo Baarlamaanka ha ahaatee in shirka la isugu yimaaddaa inuu gaadho ciddaas ayaa qaldan, ciddaasina gar bay leedahay, haddii kale waa la isku wareegaalaysanayaa uun,” ayuu yidhi madaxweyne Muuse Biixi Cabdi. Dhinaca kale waxa uu madaxweyne Muuse Biixi Cabdi ka hadlay doorashooyinka goleyaasha deegaanka iyo wakiillada ee qorshaysan sanadka soo socda ee 2019-ka, waxaana uu sheegay inay madaxweyne ahaan ka go’an tahay sidii shacabka loo siin lahaa fursad ay kusoo doortaan cidda ay igmadaan ama la helo fursad waqti oo caqabadaha taagan meesha lagaga saaro, waxaana isaga oo arrimahaas ka hadlaya uu yidhi,“Bisha March, 2019-ka, waxa ku beegan doorashooyinkii Baarlamaanka iyo golaha deegaanka, doorashaduna waxa ay kamid tahay waxyaabaha dadku ku walaaloobo oo muddaynu qabsanaa oo la yidhi qofku xilka ha hayo, waxaana sidaas loo yidhi in dadku is beddelo, dadkayaga dadku doorteen ee madaxtooyadu kamid tahay ee goleyaashu kamid yihiin, xaq waxa naloogu leeyahay ummaddu ammaanadii ay noo dhiibatay in waqtigeedii lagu soo celiyo, haddii ay duruufo yimaaddaanna in muddo kooban la maareeyo, arrintaasina waa muddo-dhaaf dheer hawsheeduna way inoo taaallaaye waxa aan mar labaad ku celinayaa inaynu doorashooyinkii qabanno innaga oo Somaliland ah oo aynu kaligeen isku gashanno.”

Koox Qiimayn Ku Samaynaysay Golaha Wasiirrada Oo Ka Dareen-celiyey Digniin Wasiir Guri-barwaaqo U Diray

0

Hargeysa(Hubaal)- Gudoomiyaha Bahda Qaran-kaab Ismaaciil Cabdi Ibraahim ayaa wuxu soo saaray war-saxaafadeed ku saabsan xannibaada ay wasaaradda Warfaafintu ka soo saartay barnaamijka Qaran-kaab. Isaga oo arrintaasi ka hadlaya waxa uu yidhi “Galabta ayay ahayd markii aan aragnay warqad la yidhi waa war-saxaafadeed ay soo saartay wasaaradda warfaafintu taas oo lagu joojinayo barnaamijka Qarankaab. Run ahaantii, maanaan rumaysan waayo hab-qoraalka warqadda oo liitay isla markaana aan u qornayn habkii war-saxaafadeedka loo qori jiray oo ah in aanay lahayn summad, taariikh, shaambad, cid ku saxeexan oo aan jirin iyo khaladaad badan oo dhinaca higgaada iyo astaamaynta ah awgeed; waxaa na ay noola eekaatay boro-bogaando. Hase ahaatee, waxan xaqiiqsannay in uu war-saxaafadeedkani jiro ka dib markii aan ka maqalnay idaacadda Radio Hargeysa iyo Telefishanka Qaranka labadaba. Waxa ayaan darro ah in barnaamij aan noociisa hore loo arag oo ay soo dhaweeyeen shacabka Somaliland iyo madaxda dalka intooda badani ay wasaaraddu ka soo saarto warqad noocan oo kale ah; halka ay ahayd in ay ka soo saarto warqad boogaadinaysa shaqada ay hayaan bahda Qarankaab. Sida war-saxaafadeedka ku xusan, waxa ku qornayn in ay tahay in lala xidhiidho cidda la qiimaynayo, taas waan fulinnay. Waxan la xidhiidhnay wasiir kasta oo ka mid ah 23 ka wasiir annaga oo aan maal, magac iyo jaah midna ka rabin – waana ka wada markhaati dhammaantood annaguna waxanu haynnaa caddaymahoodii oo dhan. Barnaamijkani maaha mid ku ciyaaraya caqliga/sumcadda dawladda, sida oo kale, sabab uma noqonayo in ay soo baxaan go’aanno kala qaybinaya bulshada (Waa sida war saxaafadeedka ku xusan’e), balse barnaamijka Qarankaab wuxu horseeday in uu qabto mid ka mid ah shaqada dawladda oo ah in bulshada la jiheeyo. Wuxu barnaamijkani bulshada ka jiheeyay ka sheekaynta qabyaaladda, ku mashquulidda shaqaaqada Ceel-afweyn, sii xasuusnaanta xanaftii ka dhalatay doorashadii la soo dhaafay iyo dhallinyaradii ku mashquuli jirtay Soomaaliya iyo duridda qadiyadda Somaliland iyo xatta durista madaxweynaha iyo qaybo ka mid ah golihiisia wasiirada. Dhammaan bulshadii waxay ku mashquushay in ay u kala codeeyaan wasiirrada iyo maayarrada. Barihii bulshada ayay intaas uun ka dhex wadaan halka ay markii hore ka sheekayn jireen qabyaald iyo qudhunkeed. In ay bulshadu mashquusho waxay waxtar weyn u tahay dawladda oo in ay sii xoojiso mooyaan’e may ahayn in ay caqabadayso barnaamijkan. Dhinaca kale, marka laga yimaaddo in uu jiheeyay shacabka, wasiirrada faaido ayuu u leeyahay kaas oo ah in uu wasiir walba ku dedaalo wax-qabad joogto ah oo aanu iska fadhiisan, maadaama oo ay jirayso qiimayn ku salaysan shacabka ay shaqaalaha iyo adeegaha u yihiin. Barnaamijka Qarankaab waxa uu la mid yahay barnaamijyo badan oo caalamka ka dhaca kaas oo lagu saleeyay codaynta shacabka. Ma aha mid ay sameeyaan oo kaliya dad khubaro iyo aqoonyahanno ah (waa sida warsaxaafadeedka ku xusan’e) oo ku eeg kuwa kala saara abwaannada iyo suugaanyahannada, balse waxa loo diyaariyaa shacabka loo adeegayo weel ay ku qiimeeyaan cidda ay qiimaynayaan. Waxa intaas dheer, barnaamijkani waxba kagama duwana kuwii ay qaban jireen Rashiid Sulub Caalin iyo Axmed Shaqalle; bal’e, barnaamijka Qarankaab ayaa ka casriyaysan. Sida barnaamijyadaa kale, ma aha mid lacag lagaga cunayo madaxda dawladda taas na wasiirada ayaa nooga markhaati ah. Barnaamijkani wuxu ku salaysan yahay codka shacabka, waxaana maalgalinteeda leh isla shacabka uun. Ta labaad, Qarankaab waa barnaamij ee ma aha urur ama haayad. Haayada ayaa la sharciyeeyaa ee barnaamij lama sharciyeeyo. Wuxu la mid yahay uun banaamijkii doodda mushaaxiinta xisbiyada ee ay qabteen Inspire group. Qarankaab na waa barnaamij ay ku bahoobeen koox aqoonyahanno ah. dastuurku arrintaa ma diidannaee sharciga diidaya arrintaasna ha noo sheego wasiirku! Dhinaca kale, waa xaq muwaadin in uu qofku qiimayn ku sameeyo cidda u adeegaysa; Qarankaab na waa weelkii shacabka. Bal aan suaal idin weydiiyo’e, ma cid ayaa naga hor istaagi karta annaga oo bannaankaa taagan in aan wasiirka aan doonno ammaanno? Ma cid baa naga hor is taagi karta annaga oo bannaankaa joogna in aan abaal-marin siinno wasiirka aan doonno annaga oo u qirayna in uu yahay wasiirka ugu fiican annaga oo aan tartan galin ba? Haddii ay jawaabtu tahay maya, maxaa diidaya in aanu matalno codka malaayin shacab ah?! Ma aha shaqadii wasaaradda warfaafinta in ay xannibaan barnaamij noocan oo kale ah. Arrinta la yaabka leh waxa weeyaan, halkii ay ahayd in uu wasiirku soo saaro war-saxaafadeedyo la xidhiidha xaaladda dalka iyo jihaynta ummada, ayaa wuxu soo saaray war-saxaafeed aan muhiim ahayn oo ay kaga filnayd in ay nala soo xidhiidhaan o kaliya. Gabogabadii, bahda Qarankaab waxay aaminsantahay in uu barnaamijkani waxtar badan u leeyahay bulshada iyo dawladda labadaba, haddii ay tahay jihaynta ummadda iyo haddii ay tahay in ay shicibku helaan weel ay ku qiimeeyaan wasiirrada u adeegaya iyo haddii ay tahay in uu wasiirku ku dedaalo waxqabad joogto ah”.

Allaa Mahad Leh

Ismaaciil Cabdi Ibraahim, Guddoomiyaha Bahda Qarankaab

HALKAN HOOSE KA AKHRI: Qoraalka Digniinta ah ee Xukuumaddu soo saartay

War-saxaafadeed: “Toddobaadyadii  la soo dhaafay waxa warbaahinta ay  ku faafiyeen dad isku sheegay inay yihiin  urur qiimayn ku samaynaya  xubnaha Golaha Wasiirrada, waxayna  taasi  fajac iyo amakaag ku ridday dadweynaha iyo xukuumaddaba, maadaama ururkani aanu ahayn mid  sharciyan loo aqoonsan yahay  inuu  fuliyo hawsha miisaankaas leh, isla markaana  aanay dawladdu waxba kala socodsiin. Qiimaynta  noocan oo kale ah waxa   dunida  ka fuliya Akaadamiyad aqooneed oo leh khibrad cilmi baadhiseed oo xambaarsan  takhasusaad , khibrad iyo aqoon, waxaana  mar kasta oo ay baadhitaano la xidhiidha qiimayn abaalmarineed samaynayaan waajib iyo lagama maarmaan u ah inay xidhiidh toos ah la sameeyaan hay’adda ama cidda kale ee  la  qiimaynayo, iyadoo ra’yi ururintana  loo fuliyo habab u gaar ah oo kala duwan.

Sidaas darteed, ururkaas sheegtay inuu wado qiimayn uu ku sameynayo  xubnaha Golaha Wasiirrada,  ma jiro wax  xidhiidh ah ama  xog-ururin ah oo uu la sameeyey wasaaradaha, sidaas awgeed, waxaa muuqata in la doonayo in la soo saaro qiimayn aan cilmi ku fadhiyin, iyadoo la tuhunsan yahay inay arrintan  dabada ka riixayaan siyaasiyiin iyo dad kale oo  dano  gaar ah ka leh, si  sumcada iyo karaamada looga dilo  xukuumadda Somaliland, isla markaana la doonayo in la soo saaro qiimayn kala qoqobaysa bulshada dhexdeeda, laguna  xajiimaynayo geeddi-socodka toosan ee nidaamka maamul ee dawladda.

Xukuumadda JSL waxay uga digaysaa ururkan   gacanta kula jira  arrintan, inay si degdeg ah faraha ugala baxaan maamulka xukuumadda, maadaama  aanay qiimayntu ahayn mid ka soo baxaysa Akaadamiyad sharci oo loo aqoonsan yahay hirgelinta  qiimaynta abaalmarinada heer qaran, annagoo farayna inay  faragelinta ka daayaan shaqooyinka maamulka xukuumadda, xogo shakhsiyaad tilmaaman laga soo ururiyeyna  bulshada looguma sawiro karo inay tahay  xaqiiqo dhab ah oo cilmiyeysan.”

Rumayso Ama Ha Rumaysan; Qisada Nin Aan Laba Indhood Isu Keenin 360 Bilood [30 Sanno] Oo Cimrigiisa Ka Mid Ah

0

Riyadh (Hubaal) Warbaahinta Waddanka Sucuudigu waxa ay maalmihii ugu dambeysay warinaysay qiso layaab leh oo Mucjiso taasi ku saabsan Muwaadin Sucuudiyaan ah oo ku nool deegaanka Baaxa kadib markii la xaqiijiyey in Ninkaasi aanu 30-kii sannadood ee ugu dambeeyey Hurdo seexan. Ninkan Odayga ah oo lagu magacaabo Maxamed Al-qaamidi ayaa dhakhaatiirti mudada intaasi le’eg la tacaalaysaa bal in ay ka caawiyaan in uu mar uun hurdo seexdo balse wali laguma guulaysan mudada intaasi le’egna waxa uu yahay mid saamalayn dilay oo jiifka uun ku galgalanaya.

sida ku cad warbixintan oo shabakadda Tusmo24 idiin soo turjuntay, Wariye iyo sawir qaadayaal ka tirsan Telefishanka Al-mirqaab oo dhawaan booqday Magaalada Baaxa ayaa waxa ay ka war heleen in uu deegaankan ku nool yahay nin lagu magacaabo Maxamed Muxsin Al Qaamidi kaasi oo uu markii ugu horraysay wariyaha u sheegay amiirka mandaqadda Waaxa isaga oo ku war geliyey in ay waraysi la yeeshaan oo booqdaan ninkaasi oo xaalad aan hore loo arag ku sugan. Amiirka Mandaqadda Waaxa waxa uu sheegay in ninkani u yimid maalin maalmaha ka mid ah ugana warramay sida ay xaaladdiisu tahay kadiba uu jeclaystay in uu warbaahinta tuso. Ninkan odayga ah ayaa telefishanka u sheegay: “Muddo dheer xaaladdaydu sidan ayay ahayd. waxa la i tusay dhakhaatiir dhawr dal ka socota oo dalkan ka hawl gala. baadhitaan kasta oo la i mariyay waa la waayay cudur ah oo weyn oo i haya. waxa ay kaliya arrinkayga ku sheegeen xaalad nafsi ah oo ah qulub iyo walbahaar. waxa ay i siin jireen mudadaasi kiniino iyo daawooyin nafta dejiya balse mar kali ah hurdo maan helin waxaanan soo jeedaa habeen iyo maalinba”. Guddida Cilmi baadhista waddanka Sucuudiga ayaa arrinka ninkan muddoba baadhitaan ku wada waxaanay sheegeen in hurdo la’aanta muddoda intaasi le’egi ninkan ku keentay xaalad adag oo uu ku sugan yahay.

DAHABSHIIL Group Oo Shaacisay Afar Macmiil Oo Ku Guulaystay Qaybtii 1aad Ee Barnaamijkii Abaalmarinta Ee Ay Sanadkan

0

“Waxaanu Halkan Abaalmarino Qaali Ah Ku Gudoonsiin Doona 4 Ka Mid Ah Macaamiisha SOMTEL Oo Noqon Doona Qaybtii U Horaysay Ee…” – Khadar Abdirahman

Hargeysa (Hubaal) – Shirkadda Dahabshiil Group ayaa sannadkan 2018 macaamiisheeda usoo bandhigtay abaalmarintii sannadka ugu qaalisanayd oo ah hal qof oo ku guulaysandoona gaadhi cusub, saddex qof oo ku guulaysandoona xaj iyo sida oo kale sideed iyo toban qof oo ku guulaysandoona Dalxiiska Dalka hooyo taas oo shirkadda somtel ay gayndoonto goobaha dalka ugu quruxda badan iyo goobaha taariikhiga ah Hadaba Masuuliyiinta Shirkadaha Dahabshiil Group ayaa shalay xaruntooda kusoo bandhigay barnaamij ay ugu talagaleen in ay si toos ah u guulaystaan afar qof oo ka mid ah 22 ka guulayste ee ku guulaysandoona  abaalmarinta sannadka 2018 ee shirkadda Dahabshiil Group ay bixindoonto.

Ugu horayn waxa halkaas ka hadlay Khadar Abdirahman Abdilahi oo ah Madaxa Xidhiidhka Bulshada ee Shirkadda Somtel waxaanu faahfaahin ka bixiyay barnaamijkan iyo sida loogu guulaysandoono waxaana ka mid ahaa hadaladiisii “ Maanta oo ay taariikhdu tahay 21.JULY.2018 waxa aanu halkan hadiyado iyo abaalmarino qaali ah ku gudoonsiindoona afar ka midda macaamiisha shirkadda SOMTEL oo marka serverka shirkaddu soo xulo noqondoona qaybtii u horaysay ee ku guulaysandoonta abaalmarinta sannadka taas oo qaybaha hadhayna lagu guulaysandoono maalmaha fooda inagu soo haya, hadaba macaamiisha Dahabshiil Group waxa aanu ugu bushaaraynaynaa in ay ka qayb qaataan abaalmarintan qaaliga ah islamarkaana u diyaar garoobaan wax shardi ah oo ku xidhanna ma jiro abaalmarintan balse waxa kaliya oo laga rabaa tartamaha in uu yahay Macmiil ku xidhan Dahabshiil Group tusaale ahaan waa in uu isticmaalo Simcardka Somtel kuna isticmaalo adeegga edahab sida oo kala waa in uu isticmaalo adeegga Dahabshiil banka taas micnaheed waa in aad tahay macmiil ku xidhan Dahabshiil Group”

Intaas ka dib serverka Shirkadda Somtel waxa uu bilaabay in uu kala shaandheeyo boqolaal kun oo ka mid ah macaamiisha shirkadda Somtel ugu horayntiiba waxa uu serverka Shirkaddu soo qabtay macmiilkii koobaad ama guulaystihii koobaad ee ku guulaystay xajjka sannadka 2018 kaas oo  islamarkiiba  goobta munaasibaddu  ka socotay ay teleefonkiisa gacanta garaaceen Masuuliyiinta Shirkaddu waxaanu noqday  Siciid Cabdi Axmed oo numberkiisuna yahay 065-9095718, Siciid wakhtigaas waxa uu joogay reerkiisa oo yaala deegaanka Botorka oo u dhaw Magaalada Gabiley waxaana loogu bushaareeyay Abaalmarinta qaaliga ah ee uu helay oo ah in uu ku guulaystay Xaj taas oo Shirkadda Somtel sannadkan ka bixindoonta dhammaanba kharashaadka kaga baxaaya xajka. Guulaystihii labaadna waxa uu noqday Warsame Muuse Cawad oo jooga Magaalada Berbera numberkiisuna yahay 065-9592683 iyo  Raxma  Cawad Faarax oo joogta Deegaanka Dandan oo ka mid ah Gobolka Sool numberkeeduna waa 065-9609198 iyo Maxamed Cabdi Ismaaciil oo jooga Hargeysa  numberkiisuna waa 065-7281607 dhammaanba saddexdan macmiil ayaa ku guulaystay qaybta Dalxiiska taas oo Shirkadda Somtel ay u dalxiis gayndoonto macaamiishan Goobaha Dalka ugu quruxda badan iyo sida oo kale  goobaha Taariikhiga ah sida Jasiiradda Sacaadadiin, Laasgeel, Gacanlibaax, Daalo iyo Goobo kale oo qurux badanba

Ugu dambayntii waxa halkaas ugu mahad celisay macaamiisha guulaysatay Madaxa Suuqgaynta ee Shirkadda SomtelSo! Hibo Warsame waxayna ugu bushaaraysay macaamiisha in 23 iyo 26 bishan aynu ku jirno ee todobaad uu serverka somtel soo xulidoono guulaystayaasha qaybtii labaad iyo waliba qaybta saddexaad oo noqondoonta qaybtii ugu dambaysay 22 qof oo shirkad ahaan ay ugu talagaleen in ay siiyaan abaalmarino qaali ah oo isugu jira Xaj, Gaadhi cusub iyo waliba Dalxiis. sidaa darteed waxa ay macaamiisha ka codsatay in ay telefoonadoodu furnaadaan.

Hal-ku-dhega Sanadkan Diirrada Lagu Saarayo Toddobaadka Bandhiga Caalamiga Ah Ee Buugaagta Hargeysa

0

Hargeysa- (Hubaal) Madaxweyne ku xigeenka Jamhuuriyadda Somaliland, Mudane Cabdiraxmaan Cabdilaahi Ismaaciil (Saylici) ayaa shalay  ka qayb-galay bandhiga furitaanka carwada buuggaagta ee Hargeysa International Book Fair.

Bandhiggn oo soconayaa muddo toddobo maalmood ah waxaa buugaagtooda kusoo bandhiggaya, hadallana ka jeedinaya qorayaal caan ah oo Soomaaliyeed iyo kuwa cusub.

Madaxweyne ku xigeenka Jamhuuriyadda Somaliland Cabdiraxmaan Cabdillahi Ismaaciil Zaylici oo  si rasmi ah u furay bandhigan ayaa kasokow waxaa  sidoo kale goob joog ka ahaa safiirka Britain ee Somaliya Daved Concard . Qorayaasha sanadkan lagu casuumay islamarkana buugaagtooda so bandhigi doona ayaa waxaa ay ka kala yimaadeen 25 dal. Bandhiga buugaagta ee Hargeysa ayaa sanad waliba waxaa lagu marti qaadaa dal gaar waxaana sanadkan marti ku ah dalka Ruwanda. Gudoomiyaha xarunta dhaqanka ee Hargeysa ee lagu qabto bandhiga buugaagta sanad walba Dr; Jaamac Muuse Jaamac ayaa sheegay in sanadkan bandhiga diiradda lagu saari doono ereyga Xikmadda iyo murtidda ay Soomaalida lahaan jirtay. Mr Jaamac ayaa intaa ku daray in buugaagta la soo bandhigayo qaarkood lagu daabacay dalalka Yurub kuwaasi oo isugu jira kuwa ay Soomaalida qoreen iyo kuwa Soomaalida laga qoray. Waxaa jira qorayaal cusub oo dhalinyaro ah waxaana ka mid ah gabdho qoray buugaag cusub. Madaxweyne ku xigeenka oo halkaasi ka hadlay ayaa yidhi “Waxaan aad iyo aad ugu mahad-celinayaa Jaamac Muuse Jaamac iyo kooxdiisa sida hagar la’aanta ah ee ay barnaamajkani u wadeen tobanka sanadood, wuxuu u badheedhay wado dheer oo caqabado badan lahayd, waxa kale oo aan aad ugu mahad-naqayaa una soo dhawaynayaa dadka inooga yimi dunida, aqoonyahanada, safiirada dhamaantood waxaan kusoo dhawaynayaa dalka Jamhuuriyadda Somaliland, gacmo furan kusoo dhawaada ayaan leeyahay.

Waxaanu madaxweyne ku xigeenku goobtaasi kaga dhawaaqay oo uu yidhi “ waxaan si rasmi ah ugu dhawaaqayaa inuu furan yahay badhiga Hargaysa International Book Fair, hawshani waxay qiimo weyn u leedahay dalkeena, intaasoo qof oo dalal kala duwan ka yimi ayaa jooga waxay markhaati ka yihiin in Somaliland tahay dal cagihiisa ku taagan oo tashaday, dad badan ayaa maanta baranaya Somaliland waxa ay tahay nabad-galyada iyo dimuqraadiyadda ka jirta.

Madaxweyne-ku-xigeenka Somaliland Oo Furay Hargeysa International Book Fair

0