Alshabaab Oo Sheegatay Qaraxyo Ka Dhacay Magaalada Muqdisho

0
1

Weriye Cawil Daahir Salaad oo ka tirsanaa Telefishinka Universal ayaa ku dhintay qaraxyadaasi

Ugu yaraan 10 qof oo u badan askarta dowladda ayaa ku dhintay qarax ka dhacay bar koontarool oo ku hortaalla Tiyaatarka Qaranka, waxayna u badnaayeen illaalada guddoomiye ku xigeenka amniga ee maamulka gobolka Banaadir Maxamad Tuulax oo marayay meesha uu qaraxu ka dhacay. Waxa la sheegayaa in isaga laftigiisa uu dhaawac ka soo gaadhay. Labo qarax oo gaadhi loo adeegsaday ayaa saaka ka dhacay magaalada Muqidisho. Kan hore ayaa ka dhacay illinka Tiyaatarka Qaranka, halka Qaraxa labaadna uu qiyaastii muddo soddon daqiiqo kaddib ka dhacay taallada Daljirka Daahsoon. Illaa hadda lama oga khasaaraha ka dhashay. Ururka Alshabaab ayaa sheegtay mas`uuliyadda qaraxyadaas. Sida ay BBC-du sheegtay waxa halka ay qaraxyadu ka dhaceen gaadhay gawaadhida ambalaasta.

Geesta kale, waxa qaraxyadaasi maanta ka dhacay Muqdisho ku geeriyooday Weriye Cawil Daahir Salaad oo ka tirsanaa Telefishinka Universal, sida ay xaqiijiyeen qaar ka tirsan shaqaalaha Universal ee Muqdisho oo maydkiisa arkay. Sidoo kale labo ka tirsanaa illaaladiisa ah iyo darawalkisii ayaa la dhintay weriyaha.

SHARE
Article horeMuuse Biixi Iyo Mustafe Cagjar Maxay Iskula Qaateen Kulankoodii 1-aad oo Wajaale ka dhacay
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here