“Cabdiraxmaan-soltelco Waa Shakhsi, Waana Shicib, Sharciyad Uu Maayar Ku Sheegan Karaana Ma Jirto”

0
1

Xisbiga WADDANI Oo Sheegay In Maayar Soltelco Cidna Aanu Dacwad Ka Gudbin Karin

“Cabdiraxmaan Soltelco Waa Shakhsi Waana Shicib, Sharciyad Uu Maayar Ku Sheegan Karaana Ma Jirto, Cida Ay Tahay In Dacwad Laga Gudbiyo Oo Maxkamadd La Saaraana Waa Isaga” Afhayeenka Xisbiga Waddani, Barkhad Jaamac Batuun

Burco, (Hubaal) – Afhayeenka xisbiga Mucaaridka ah ee Waddani, Barkhad Jaamac Batuun ayaa sheegay in Maayar Soltelco shantii sano ee la doortay ay dhamaatay laba sano oo qayrul sharci ahna uu kursiga ku fadhiyo umaddana uu cashuurta kaga gurto, sida uu hadalka u dhigay Afhayeenku. Barkhad Jaamac Batuun oo shalay warbaahinta kula hadlayey Hotel Kaafi ee magaaladda Burco ayaa sheegay in aanu Soltelco cidna dacwadd ka gudbin Karin, maadaama oo aanu Maayarku ku fadhiyin wax sharci ah.

“Arinta ku saabsan dacwadd xisbiyada mucaaridka masuuliyiintooda in uu dacwadd ka gudbinayo in la yidhaahdo Cabdiraxmaan Soltelco oo Hargeysa jooga. Horta Cabdiraxmaan Soltelco isagoo ayo ah ayuu dacwad gudbinayaa? Su’aashaa in loo waadixiyo bulshada Somaliland waa taa. Cabdiraxmaan Soltelco waa shakhsi waana shicib, sharciyad uu Maayar ku sheegan karaana ma jirto, cida ay tahay in dacwad laga gudbiyo oo maxkamadd la saaraana waa isaga.

Maxaan sidaa u leeyahay? Dalku sharciyad ayuu leeyahay, distoor ayuu leeyahay, qawaaniin ayaa taala, mudadii Golaha Deegaanka Hargeysa uu ninkaasi hogaaminayey shan sanno ayay ahayd, laba sano oo saa’id ah oo qayrul sharci ah ayuu cashuurta ummaddana ku qaataa, kursigana uu ku fadhiyaa,” ayuu yidhi Afhayeenka xisbiga Mucaaridka ah ee Waddani, Barkhad Jaamac Batuun oo shalay warbaahinta kula hadlayey isagoo ku sugan magaalada Burco ee xarunta Gobolka Togdheer.

SHARE
Article horeWasiir Fariid Oo Abaalmarin gudoonsiiyey Shaqaalaha Ugu Wanaagsan Wasaaradda Gaashaandhiga
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here