Ciidammada Booliiska Oo La Wareegay Gaadhiga Khaaska Ah Ee Guddoomiyaha Xisbiga Mucaaradka Ah Ee WADDANI

0
1

Muxuu Siday Gaadhiga Guddoomiye Cirro Ee Boolisku Xidhay?

Hargeysa (Hubaal) – Ciidammada Booliiska Somaliland ayaa la wareegay Gaadhiga khaaska ah ee Guddoomiyaha Xisbiga Mucaaradka ah ee WADDANI, Md. Cabdiraxmaan Maxamed Cabdillaahi (Cirro).

Gaadhigan Ciidammadu la wareegeen ayaa la sheegay inuu Magaalada Saylac ka soo qaaday Direys loo siday ilaalada gaarka ah ee Guddoomiye Cirro.

Sida uu baahiyay telefishenka HCTV oo aanu warkan kasoo xiganay, waxa Gaadhiga marka koowaad la geeyay Kastamka ku yaalla badhtamaha Hargeysa, laakiin markii dambe ayaa laga qaaday Kastamkaasi.

Telefishenka Hctv ayaa baahiyay Waraaqihii Dawladdu ku ogolaatay in si sharci ah Dirayskaasi loogu keeno Ilaalada Guddoomiyaha Xisbiga WADDANI. Warqad uu ku saxeexan yahay Madaxa Hoggaanka Ciidammada Qaranka, Cali Rooble Bulaalle uu Wasiirka Maaliyadda, Wasiir ku-xigeenka iyo Agaasimaha guud ee Wasaaradda Maaliyadda kaga codsaday in Dirayskaa oo ka koobnaa 14 Sed (kol-xidhasho), waxaana Warqaddaas ogaysiin lagu siiyey Taliyaha Ciidammada Booliiska Somaliland.

Warqad taasi la mid ah oo ka soo baxday Wasaaradda Maaliyadda isla-markaana uu ku saxeexan yahay Agaasimihii hore ee Wasaaradda Maaliyadda Maxamed Cabdi Gurxan, ayaa Maamulaha Kastamka Saylac waxa lagu amray inuu soo daayo dirayskaasi, waxaana qayb ka mid ah Warqaddaasi lagu yidh “Waxa la idin farayaa inaad soo deysaan Direyska yaalla kastamka Saylac, Annaga oo halkan idiinku soo lifaaqnay Qoraalka Hoggaanka Ciidanka oo faahfaahsan.”

Waraaqahaasi ka soo baxay Wasaaradda Maaliyadda iyo Taliska Ciidammada Qaranku may noqonin kuwa shaqeeya, laakiin Ciidammadu way xidheen, illaa haddana lama oga in la siidaayey iyo in kale.

Arrintan ayaa 24-kii Saacadood ee u dambeeyay aad loogu hadal-hayey Baraha Internet-ka ee Bulshadu ku wada xidhiidho.

SHARE
Article horeLuul Jirde Xuseen Oo Madaxweynuhu U Magacaabay Guddoomiyaha Guddida Mihnadlayaasha Caafimaadka Somaliland
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here