DAAWO+AKHRI: Wasiir Faratoon Oo Furay Shir-hawleed Wasaaraddiisu Lagaga Arrinsanayo Qorshaha Horumarinta WAxbarashada Qaranka Ee 5-ta sanno ee Soo Socda  

0
1

“Waxa Noo Qorshaysan In Macalimiinta Aanu U Kala Qaybinno Koox Aanu U Aragno Inaanay Waxba Dhigi Karin Oo Inay Ka Baxaan Meesha Ay Tahay, Qaar Aynu Tababar Gayno Iyo Kuwo Loo Arko Inay Iyagu…”- Wasiir Faratoon

Hargeysa (Hubaal)- Wasiirka wasaaradda waxbarashada iyo Sayniska Jamhuuriyadda Somaliland Prof. Yaasiin Xaaji Maxamuud Xiir (Faratoon) ayaa xarunta wasaaraddaasi shalay kulan uga furay agaasime-waaxeedyada iyo isu-duwayaasha wasaaradda waxbarashada. Kulankan ayaa ujeedadiisu ahayd mid lagaga arrinsanayay qorshaha siyaasadeed ee wasaaraddaasi ku hawl gali doonto shanta sanno ee soo socda iyo waliba hawlaha waxqabad ee wasaaraddaasi. WAsiir Faratoon oo furitaankii kulankaasi khudbad dheer oo uu ka jeediyey waxaa uu sheegay sida ay wasaarad ahaan ugu baahan yihin in masuuliyiinta shirka ka qayb galaysa oo ka kala socotay laamaha waxbarashada ee caasimadda iyo gobllada dalku ay xil gaar ah iska saaraan sidii ay isaga kaashan lahaayeen horumarinta waajibaadka ay qaranka u qaabilsan yihiin [waxbarashada] isla markaasina ay u diyaar garoobaan masuuliyadda imtixaanka shahaadiga ah ee sanad-dugsiyeedka 2017/8 oo ay ardayda fasallada sideedaad ee dugsiyada dhexe iyo kuwa fassaladda afraad ee dugsiyada sare u fadhiisan doonaan dabayaaqada bishan aynu ku jirno ee June. Wasiir Faratoon oo amuurahaasi ka hadlayaa waxaa uu yidhi “Waxbarashada in dhibaatooyin badani ay haystaan waa mid aynu ognahay waxaana lagaga bixi karaa uun wada tashi, in la isu yimaado, laga wada tashado, laysla eego, intiina toos gacanta ugu haysaana ay ra’yi ka bixiyaan, dadka kalena wixii aaraa’ ah ay idinku biiriyaan”. Ayuu yidhi Wasiirka wasaaradda waxbarashadu. Waxaana uu intaa ku daray “masuul kasta oo halkan fadhiya waxaa uu xil ka saran yahay deegaankiisa in uu tallaabo ku haboon oo isbedel waxqabad ah ka sameeyo . annagana wasaarad ahaan waxaa noo qorshaysan inaanu macalimiinta imtixaan ka qaadno dhammaan kuwa mushaharka dawladda [pay roll] ku jira iyo kuwa aan ku jirinba. Imtixaankaas marka la galena saddex guruub baa looq ayb samayaa , koox aanu u aragno inaanay waxba dhigi Karin, tabobar hagaagsanna qaadan Karin oo inay ka baxaan meesha ay tahay, qaar aynu tababar gayno intii kuwaas hore dhaanta , inta loo arko inay iyagu takhasus yihiin oo ku filan yihin oo heerkaa la rabo ay gaadheen iyaguna halkoodii ayay hawsha ka wadayaan”. Ayuu wasiirku yidhi

 

 

 

SHARE
Article horeSalaantii Taariikhda Gashay Ee Trump Iyo Kim
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here