Guddida Heer Qaran Ee Xuquuqal Insaanka Oo Madaxweynaha hortiisa Lagu Dhaariyey iyo Dardaaran Qiime leh Oo Faraqa Loo Sudhay

0
1

Hargeysa (Hubaal)-Xubnaha guddida heer qaran ee Xuquuqal Insaanka qaranka, ayaa maanta si rasmi ah loo mariyey dhaarta dastuuriga ah, waxaana madaxweynaha hortiisa ku dhaariyey guddoomiyaha maxkamadda sare, garyaqaan Aadan Xaaji Cali Axmed.

Madaxweynaha Jamhuuriyadda Somaliland, Mudane Muuse Biixi Cabdi, ayaa dhaarta kadib waxa uu dardaaran muhiim ah u jeediyey xubnaha guddida xuquuqal insaanka ee heer qaran,  isaga oo ku adkeeyey inay dadka iyo dawladda dhex u ahaadaan, una hoggaansamaan dhaarta Kitaabka Eebbe ee lagu dhaariyey, waxana uu yidhi, “Hay’adaha dawladda qaar badan buu dastuurku ku waajibiyey dhaar, insha Allah dhaartaas ayeynu ku wada dhaqmi doonnaa, dhammaanteenna waa la ina wada dhaariyey, Ilaahay waxan ka rajaynayaa, dhaartaasna aynu ku dhaqanno, waxa inoo ballan ah dawladda iyo dadka dhex baad u ahaan doontaan, dawladda loo eexan maayo, annaguna waanu dacwoon karnaa, cidna dulmi maynee xaq baynu ilaalinaynaa iyo sharciga.

Wasiirka horumarinta biyaha, Mudane Saleebaan Yuusuf Cali Koore iyo ku-xigeenka hanta-dhawraha guud ee qaranka, Mudane, Sacad Cabdi Cabdilaahi Riiraash, ayaa iyagana isla maanta la  mariyey dhaarta dastuuriga ah ee ku waajibtay.

Qodobka 129-aad ee Dastuurka Jamhuuriyadda Somaliland, ayaa waajibinaya dhaarta distuuriga ah ee la mariyo masuuliyiinta qaranka xilalka muhiimka ah u haya, waxana xubnahani ay maanta waafaqeen tilmaaha uu qodobkaasi waajibinayo.

DAAWO: 

SHARE
Article hore“Waxa La Leeyahay Buurihii Deegaankayaga Ayaa Haraga Laga Saarayaa Oo La Qodayaa, Taasna Ma Ogolin”
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here