Iiraan Oo Sheegtay In Diyaaradaha Dagaalka Ay Dalkeeda Ku Sameysaneyso

0
1

“Inkastoo Ay Jiraan Cunaqabatayn Uu Na Saaray Cadawgu Haddana Awood Ayaa aannu Leenahay.” Wasiirka Difaaca Iiraan

Dehraan (Hubaal) Xukuumadda Iiraan ayaa sheegtay inay bilawday in dalkeeda ay ku sameysato diyaaradaha dagaalka si ay adeegsadaan ciidammada militariga. Wasiirka difaaca Iiraan, Amiir Xatemi oo ka hadlayay munaasibad ka dhacday dalkaasi, ayaa sheegay in tallaabadani ay muujineyso awoodaha Iiraan ay u leedahay inay kaga maaranto quwadaha caalamka. Amiir Xatemi wuxuu yidhi; “Inkastoo ay jiraan cunaqabatayna uu na saaray cadawgu haddana awood ayaanu leenahay.”

Saraakiil ka tirsan dowladda Iiraan ayaa Raadiyaha qaranka u sheegay in diyaaraaddii dagaalka ay soo bandhigeen bishii August lagu sameeyay gudaha Iiraan.

Si kastaba, khuburrada militariga waxay rumeysan yihiin in diyaaradda ay Iiraan sameysatay ay lamid tahay naqshadda diyaaradda dagaalka ee Mareykanka ee F-5.

Iiraan ayaa la daala dhaceysaa inay sii haysato diyaaradaha muddada dheer ay isticmaaleysay ee lagu soo sameeyay Ruushka iyo Mareykanka. Marka ay timaado howlgalka ka socda Suuriya,Iiraan waxay ku tiirsan tahay tageerada ay siiyaan diyaaradaha dagaalka ee Ruushka. Iiraan waxaa saaraan cadaadis caalami ah, Mareykanka ayaa cunaqabatayn hor leh kusoo roggaya Iiraan kaddib markii saddex sanno ka hor ay quwadaha caalamka ka qaadeen cunaqabataynta. Mareykanka ayaa ka baxay heshiiskii nukliyerka ay dalalka caalamka ugu awoodda badan la galeen Iiraan sannadkii 2015-kii.

SHARE
Article horeMadaxweynaha Turkiga Oo Ku Eedeeyay Dowladda Sucuudiga Dilkii Weriye Jamaal Khaashuqji
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here