“Ismaan Lahayn Hargeysi Waxay U Darsan Doontaa Dadkii Xamar Laga Soo Magacaabi Jiray, Kuweena Maanta Jooga Wax Cun Mooyee Waxqabo Garan Maayaan”

0
1

Faysal Cali-Waraabe Oo Booqasho Ku Tegay Suuqa Waaheen Ee Hargeysa, Dhaliilana U Xambaariyey Dawladda Hoose Ee Caasimada

Hargeysa(Hubaal):- Guddoomiyaha Xisbiga Mucaaradka ah ee UCID Faysal Cali Waraabe, ayaa Booqasho ku tegay Suuqa ugu weyn Hargeysa ee Waaheen, isla markaana Bulshada ku sugan Suuqaas, ayaa xaaladdooda uga warramay, waxaanay u muujiyeen in adeegyada nadaafadda iyo bilicda ay gabtay dowladda Hoose.

Faysal Cali Waraabe oo si habboon u dhegaystay Dadka la hadlayay ee uu Suuqaa kula kulmay shalay, ayaa ka dib Warbaahinta la hadlay, isla markaana sheegay inaanu filayn in waqtigan ay Hargeysa u darsan doonto iyadoo golayaal la doortay leh, Masuuliyiintii laga soo magacaabi jiray Muqdisho xilligii ay Somaliland ka mid ahayd Soomaaliya.

Faysal Cali-waraabe ayaa eedo u jeediyey dawladda hoose Hargeysa oo uu sheegay inay fadhiidnimadeeda laga dheehan karo caasimada dalku heerka ay taagan tahay maanta, waxaanu yidhi; “horta halkan u maan iman olole, waxaan u imid inaanu eegno xaaladda nadaafadeed ee meesha ka jirta iyo tabashada aydun qabtaan. Waanan u jeednaa oo ishaa noo macallina, waannu aragnay bulaacada socota.

Faysal isagoo ka hadlaya fadhiidnimada dawladda hoose ee waxqabaho la’aanta xukuumadda Somaliland, waxa uu yidhi; “daartan aydun u jeedaan waxa dhistay dawladdii inna xasuuqday, maantana waad aragtaan daartaas tu lamid ah dawladda haatan innoo joogta way dhisi kariweyday. Ismaan lahayn Hargeysi waxay u darsan doontaa dadkii xamar laga soo magacaabi jiray. Kuweenna maanta jooga wax cun mooyaane, waxqabta ma garanayaan.

Guddoomiyuhu waxa bulshada ka ballanqaaday inay ka xisbi ahaan madaxweynaha u tegi doonaan, isla markaana uu kala hadli doono, goleyaashan sharci-darrada ku fadhiya ee deegaanka iyo baarlamaanka ah. “Waxan ballanqaadayaa, madaxweynaha waannu u tegaynaa, waxaanan kala hadlaynaa, hadduu go’aan ka gaadhi waayo Maayirradan bilaa sharciga ah iyo baarlamaankan meeshe iska fadhiya, hadduu go’aan ka gaadhi waayo inanka yare e Saleebaan u dhaarinayo guurtida ee aabihii uga dhintay, waxannu samaynaynaa quwada ugu weyn waa shicibka, maalintaanu nidhaahno soo baxa albaabkaynu ka saaraynaaye yaan laydin waayin maalintaa.” Ayuu yidhi

SHARE
Article horeMaxaad Ka Xusuusataa Dhacdooyinkii Wanaagsanaa Ee 2019-ka?
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here