Itoobiya oo Dayax-gacmeed Direysa

0
1

Itoobiya ayaa sheegtay iney sanadka 2019-ka ay marki ugu horreysay hawada sare ay u diresyo dayax-gacmeedki ugu horreeyey oo ay yeelato.

Warkan oo BBC-du ka soo xigatay xafiiska isgaadhsiinta ee dalka Itoobiya ayaa sheegaya sameynta dayax-gacmeedka Itoobiya iney iska kaashadeen Khubaro ka kala socday Itoobiya iyo Shiinaha.

Madaxa machadka teknooljiyadaha hawada sare ee Itoobiya Dr Selemon Belay, wuxuu sheegay sameynta dayax gacmeedka Itoobiya ay hawada u diri lahayd inuu haatan gabagabo marayo.

Waxaana la dhammeystiray ayuu yidhi fasaxii caalamiga ahaa ee nalooga baahnaa iyo diiwaangelinta ceymiska intaba. Waxayna si rasmi ah dayax-gacmeedka hawada sare aan u direynaa ayuu yidhi sanadka 2019-ka.

Dayax-gacmeedka oo hawada sare loogu dirayo dalka Shiinaha wuxuu Itoobiya ku soo gaadheyaa afar maalmood gudahood. Dayax-gacmeedka oo miisaankiisu yahay 70 kiilo waxaa loo adeegsan doonaa dabagalka iyo ururinta xogaha la xidhiidha beeraha, biyaha, macdinta iyo horumarinta magaalooyinka.

Waxayna awood u leedahay 54 maalmood iney dunida oo dhan ku soo wareegto, Itoobiyana 4 maalmood.

Machadka sameynta dayax-gacmeedkan hirgeliyey ee Itoobiya waxaa markii ugu horreysay la aasaasay 2016-ka, iyada oo ay machadku u qorsheysan tahay ilaa iyo 2025-ka inuu hawada sare uu u diro dayax gacmeedyada dalka uu u baahan yahay oo dhan.

Itoobiya oo ka mid noqoneyso 7-da dal ee qaaraddan Afrika oo yeesha dayax-gacmeed iyaga u gaar ah, waxaa hore dayax gacmeedyo hawada sare u diray waddamada Masar, Koonfur Africa, Nayjeeriya, Ghana, Angola iyo Kenya.

SHARE
Article horeMadaxweynaha Somaliland Oo Hambalyo U Diray Madaxweynaha Cusub Ee Loo Doortay Dalka Ethiopia
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here