Komishanka Doorashooyinka Oo Madaxweyne MBC Soo Gaadhsiiyey Farriin Ay Soo Fareen Dalalka Somaliland U Qaadhaami Jiray Dhaqaallaha Doorashada

0
37

Madaxweyne Oo Shalay Qaabilay Xubnaha Komishanka  Iyo Nuxurka  Xog-warran ay Ka Siiyeen Safarro Ay Dibeda Ugu Maqnaayeen 

Madaxweynuhu Waxa Uu Komishanka Faraqa Ugu Guntay Dardaaran Ku Wajahan In Doorashooyinka Baarlamaanka Iyo Dawladaha Hoose Aanay Dib Uga Dhicin Xilliga Loo Muddeeyey

Hargeysa (Hubaal)-Madaxweynaha Jamhuuriyadda Somaliland, Mudane Muuse Biixi Cabdi ayaa shalay  xafiiskiisa ku qaabiley xubnaha Guddida Komishanka Doorashooyinka Qaranka Somaliland. Kulankan madaxweynuhu la yeeshay xubnaha Guddida Komishanka Doorashooyinka Qaranka Somaliland oo ahaa mid xogwaran ah oo ay guddidu madaxweynaha warbixin ka siiyeen safar shaqo oo ay ugu maqnaayeen dalka dibediisa kulamo kula soo yeesheen dalalka Somaliland ka taageera dhinaca dhaqaalaha doorashooyinka Somaliland. Waxaanay madaxweynaha uga warameen ballan qaadyadii ay kala soo noqdeen safarkooda, iyagoo sheegay inay waddamada Somaliland ka taageera arrimaha dhaqaalaha doorashooyinka Somaliland ay u sheegeen in dhinacooda ay diyaar ula yihiin wixii ku waajiba ee looga baahdo doorashooyinka wakiilada iyo golayaasha deegaanka ee lagu wado inay dalka ka qabsoomaan horaanta sanadka 2019ka.

 

 

 

Dhinaca kale madaxweynuhu waxa uu xubnaha Guddida Komishanka Doorashooyinka Qaranka Somaliland, ku boggaadiyey hawsha qaran ee ay u hayaan qaranka iyo dedaalada ay ugu jiraan in doorashadu ku qabsoonto wakhtigeeda, waxaanu u balan qaaday in  ay ka go’an tahay xukuumadda wixii kharash ku baxaya, sidii uu horeba madaxweynuhu u balan qaaday, ka guddi ahaana ay ku dedaalan in aanay wakhtigeeda dib uga dhicin doorashooyinku.

A REPLY TAGO

Please enter your comment!
Please enter your name here