Madaxtooyadda Iyo Golaha Guurtida Oo Kawada Hadlay Doorashooyinka Wakiillada Iyo Goleyaasha Deegaamada Somaliland Ee 2019

0
36

Hargeysa (Hubaal) Doorashooyinka Wakiillada iyo Goleyaasha Deegaammada oo muddo dhaafay ayaa la filayaa inay dalka ka qabsoomaan sanadka soo socda ee 2019-ka.

Madaxweyne Muuse Biixi waxa uu kulan la xidhiidha hawlaha u diyaargarowga doorashooyinkaasi, la yeeshay shir-gudoonka golaha guurtida Somaliland Maanta.

 

sida lagu sheegay war-saxaafadeed kasoo baxay xarunta madaxtooyadda oo Kulankani ka qabsoomay oo u dhiganaa;

“Madaxweynaha Jamhuuriyadda Somaliland, Mudane Muuse Biixi Cabdi, ayaa maanta xafiiskiisa ku qaabiley shir-guddoonka golaha guurtida Somaliland.

 

Kulankaas oo ahaa xog-warran ay shir gudoonku madaxweynaha ka siiyeen xaaladda guud ee dalka ka jirta, hadday tahay nabadgelyada, dhex-dhexaadinta beelaha oo ay door muhiima ka qaataan goluhu, iyo u diyaar-garowga doorashooyinka wakiillada iyo golayaasha deegaamada ee sannadka 2019-ka dalka la filayo inay ka qabsoonto.

 

Madaxweyne Muuse Biixi Cabdi, ayaa dhinaciisa waxa uu golaha guurtida ku ammaanay dedaallada ay ka sameeyeen arrimaha dhex-dhexaadinta iyo isu soo dhaweynta beelaha ay dirirtu ku dhexmarto deegaanada qaar, iyo dedaalka ay ugu jiraan in shacbiga Somaliland ku dhaqani ay noqdaan kuwo nabadgelyo iyo walaalnimo waarta ku naallooda marwalba.

 

Guddoomiyaha golaha guurtida, Mudane Saleebaan Maxamuud Aadan iyo ku-xigeennada koowaad iyo labaad ee golahaas, Mudane Siciid Jaamac Cali iyo gudoomiye ku xigeenka labaad ee guurtida Cabdiraxmaan Sheekh Yuusuf Sheekh Madar.

 

ALLAA MAHAD LEH

Maxamuud Warsame Jaamac

Af-hayeenka Madaxweynaha JSL

A REPLY TAGO

Please enter your comment!
Please enter your name here