Madaxweyne Biixi Oo Si Ballaadhan Loogu Soo Dhaweeyey Gobolka Gabiley Iyo Ujeedada Socdaalkiisa

0
1

Gabiley (Hubaal)-Madaxweynaha Jamhuuriyadda Somaliland, Mudane Muuse Biixi Cabdi iyo wefti ballaadhan oo uu hoggaaminayo, ayaa maanta si  ballaadhan loogu soo dhaweeyey magaalada Gabiley ee xarunta gobolka Gabiley oo ay socdaal shaqo ku tageen.

Madaxweynaha iyo weftigiisa oo safar shaqo ku jooga gobolka Gabiley, ayaa waxa soo dhaweyn diirran ku qaabiley qaybaha kala duwan ee shacabka reer Gabiley oo ku labbisan calanka Jamhuuriyadda Somaliland, caleemo qoyanna lulaya, isla markaana ay hormood u yihiin maamulka heer gobol iyo heer degmo, kuwaas oo ay ka muuqatay taageerada hagar la’aanta ah ee ay la garab taagan yihiin madaxweynaha Jamhuuriyadda Somaliland, Mudane Muuse Biixi Cabdi.

Kumannaan kamid ah shacabka ku dhaqan magaalada Gabiley oo taxnaa kaantaroolka iyo waddada weyn ee badhtamaha magaalada marta, ayaa madaxweynaha iyo weftigiisa u gelbiyey guriga martida magaalada Gabiley, waxana intaas kaddib  ujeeddada safarka madaxweynaha ka warbixiyey Af-hayeenka madaxweynaha Jamhuuriyadda Somaliland, Mudane Maxamuud Warsame Jaamac, waxana isaga oo arrimahaas ka hadlaya uu yidhi, “Ujeeddada madaxweynaha iyo weftiga uu hoggaaminayo socdaalkoodu waxa uu daarran yahay hawl-maalmeedkii shaqo ee dastuuriga ahaa ee uu madaxweynuhu ku mari jirey gobollada kala duwan ee dalka Jamhuuriyadda Somaliland. muddada uu madaxweynuhu gobolka Gabiley ku sugan yahana waxa uu xog-ogaal u noqon doonaa xaaladda guud ee gobolka iyo mashaariicda horumarineed ee ka socda, waxana madaxweynaha iyo weftigiisu  kulamo la qaadan doonaan qaybaha kala duwan ee bulshada iyo maamulka gobolka.”

Af-hayeenka madaxweynaha Jamhuuriyadda Somaliland, Mudane Maxamuud Warsame Jaamac waxa uu guud ahaanba  shacabka gobolka Gabiley  ku dhaqan iyo maamulkooda ugaga mahadnaqay sida aan kala hadhka lahayn ee ay usoo dhaweeyeen madaxweynaha iyo weftiga uu hoggaaminayo.

 

 

 

Wa-baahi Tawfiiq

SHARE
Article horeSheekh Aadan-Siiro Muxuu Ka Yidhi, Shaqsiyaddii Dr. Maxamed-rashiid Sheekh Xasan Oo Hargeysa Lagu Aasay
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here