Madaxweyne ku xigeenka Somaliland Oo Xafiiskiisa Ku Qaabiley Madaxa Hay’adda Cuntada Adduunka Ee FOA

0
19

Sidoo Kale Waxaa Uu Madaxweyne Ku xigeenku Kala Hadlay sidii ay FOA   gacan uga geysan lahayd xaaladda abaarta ee gobolada dalka qaarkood ku soo noq-noqotay

Hargeysa (Hubaal) – Madaxweyne-ku-xigeenka Jamhuuriyadda Somaliland,   Cabdiraxmaan Cabdilaahi Ismaaciil (Saylici), waxa uu shalay xafiiskiisa ku qaabiley Madaxa hay’adda FOA u qaabilsan Somaliland iyo Soomaaliya, Mr. Daniele Donati iyo saraakiil kale oo isla hay’addaas ka tirsan.  Kulankan oo lagu lafo-guray sidii loo xoojin lahaa xidhiidhka hay’adda FOA iyo Somaliland ka dhexeeya, gaar ahaan wasaaraddaha iyo hay’adaha ay wada shaqaynta tooska ah leeyihiin sida Xannaanada Xoolaha iyo horumarinta Kalluumaysiga, Deegaanka, Beeraha, qorshaynta iyo horumarinta qaranka iyo Hay’ adda u-diyaar Garawga Aafooyinka iyo Kaydka Raashinka Qaranka, iyada oo laga wada hadlay sidii FOA ay qayb uga noqon lahayd dedaalka iyo horumarinta ay xukuumadda Somaliland ugu jrto dhammaan horumarinta hay’adaha kala duwan ee qaranka.

Waxa kale oo iyana laga wada hadlay sidii ay FOA qayb uga noqon lahayd gacanna uga geysan lahayd xaaladda abaarta ee gobolada dalka qaar ku soo noq-noqotay, waxaanay madaxda hay’addaaasi ballan qaadeen inay dhamaan arrimahaasi oo dhan gacan ka geysan doonaan, dedaal dheeraadana  gelin doonaan, isla markaana ay Somaliland ay u yimaadeen libin-laabidda dedaalkooda.

 

 

 

Kulankaasi waxa madaxweyne-ku-xigeenka ku wehelinaayey wasiirrada, wasaaradaha Beeraha, Mudane Axmed Muumin Seed, qorshaynta iyo horumarinta qaranka, Cawaale ibrahim Shirwac  iyo agaasimaha guud ee beeraha, Mudane  Maxamed Cilmi Aadan.

ALLAA MAHAD LEH

Maxamuud Warsame Jaamac

Afhayeenka Madaxweynaha JSL

A REPLY TAGO

Please enter your comment!
Please enter your name here