Madaxweyne Muuse Biixi Oo Qaabilay Wefti Sare Oo Ka Socda Dalka Czech Republic

0
1

Madaxwnaha Jamhuuriyadda Somaliland, Mudane Muuse Biixi Cabdi, ayaa qaabilay wefti ballaadhan oo ka socda dalka Czech republic oo uu hoggaaminayo wasiir ku-xigeenka waddankaas u qaabilsan wershadaha iyo ganacsiga Mr. Vladimir Bartl.

 

 

 

Kulanka madaxweynuhu la qaatay weftiga ballaadhan ee ka socda waddanka Czech republic, ayaa waxa ku wehelinayey madaxweyne-ku-xigeenka Somaliland, Mudane Cabdiraxmaan Cabdilaahi Ismaaciil (Saylici), wasiirka arrimaha dibadda, Dr. Sacad Cali Shire, safiirka Somaliland u qaabilsan ururka midowga Afrika, Ambasador Cabdilaahi Maxamed Ducaale iyo xubno kale.

 

 

 

Kulankan, ayaa lagaga wada hadlay arrimo door ah oo la xidhiidha guulaha ay Somaliland ku tallaabsatay iyo sida ay Somaliland mar walba diyaar ugu tahay inay dalalka caalamka xidhiidh la yeeshaan.

 

 

 

Ugu horrayn madaxweynaha Jamhuuriyadda Somaliland, Mudane Muuse Biixi Cabdi, waxa uu weftiga warbixin ka siiyey heerarkii kala duwanaa ee ay Somaliland soo martay, guulaha ay ku tallaabsatay iyo heerka ay ka gaadhay Dimuqraaddiyadda iyo doorashooyinka, isaga oo uga mahadceliyey booqashadooda ay ku yimaaddeen Somaliland.

 

 

 

Sidoo kale madaxweyne Muuse, waxa uu xubnaha weftiga u caddeeyey inay dal ahaan soo dhaweynayaan cidkasta oo ay u arkaan inay iska kaashan karaan dhinacyada horumarka, siyaasadda iyo saaxiibtinimadaba.

 

 

 

Weftiga ka socda dalka Czech, ayaa dhinacooda madaxweynaha uga mahadceliyey soo dhaweyntiisa, islamarkaana ay dal ahaan diyaar u yihiin sidii ay Somaliland uga hirgelin lahaayeen mashaariic la xidhiidha dhinacyada kaabayaasha dhaqaalaha iyo waxbarashada, ganacsatada dalkooduna xidhiidh toolmoon la yeeshaan dhiggooda reer Somaliland.

 

 

 

ALLAA MAHAD LEH

 

Maxamuud Warsame Jaamac

 

Af-hayeenka Madaxweynaha JSL.

 

 

SHARE
Article horeHargeysa: Qiimaha Litirka Baatroolka Oo Gaadhay Halkii U Sarreysay Taariikhda Iyo Cabsi Laga Qabo In Gaadiidku Istaago
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here