Mareykanka Oo Duqeyn Ka Fuliyay Soomaaliya

0
1

Dowladda Mareykanka ayaa sheegtay inay dishay 62 kamid ah dagaallyahanada Al Shabaab xilli diyaaradaha Mareykanka ay duqeeyeen deegaan ku yaalla Koonfurta Soomaaliya labadii maalmood ee lasoo dhaafay.

War qoraal ah oo ka soo baxay taliska ciidamada Mareykanka ee Afrika ayaa lagu sheegay in duqeyntan laga fuliyay deeganka Gandrashe oo ku yaalla Koonfurta Soomaaliya.

Warka ka soo baxay taliska ciidamada Mareykanka Afrika ee (AFRICOM) aya lagu xusay inay qiimeyn ay sameeyeen ay ku ogaadeen inaysan jirin dad rayid ah oo ku dhintay ama ku dhaawacmay weerarka balse ma jiro ilo madaxbannaan oo xaqiijin karo arrintani.

Dowladda Mareykanka ayaa sidoo kale sheegtay in iyaga oo kaashanaya dowladda Soomaaliya ay weerar diyaarado loo adeegsaday ay ka fuliyeen deegaanka Gandrashe.

Waxayna sheegeen in ilaa lix duqeymo ay ka gaysteen halkaasi.

Mareykanka wuxuu sidoo kale sheegay inay ka go’antahay iyaga iyo saaxibada caalamiga ah inay ka hortaggi doonaan Al Shabaab si loo ilaaliyo ammaanka shacabka.

SHARE
Article horeMaxay yihiin Hadallada Qabsaday Baraha Bulshada ee Ka Soo Yeedhay Ra’iisal-wasaaraha Soomaaliya?
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here