HUBAALMEDIA.COM
Mucaaridka Oo Mawqifyo Kala Fog Ka Istaagay Go’aanka Madaxweynaha, UCID Oo Shuruud Raaciyey & WADDANI Oo Marmarsiiyo Ku Tilmaamay
September 11, 2016 - Written by admin

“Go’aankan Waxaanu U Aragnaa  Marmarsiiyo Mudada Loogu Kordhinayo Xukuumadda Oo Laga Bilaabayo Golaha Wakiillada”

uurcade1-475x215Hargeysa (Hubaal):- labada xisbi Mucaaridk ee UCID iyo WADDANI ayaa siyaabo kala duwan uga hadlay go’aanka madaxweynuhu ku kala qaaday labada doorasho. Guddoomiyaha Xisbiga Mucaaradka ah ee UCID Faysal Cali Waraabe, ayaa sheegay inaanu jirin meel ay Xisbiyo ahaan ka maraan go’aanka Madaxweyne Axmed-Siilaanyo maanta soo saaray ee uu ku kala qaaday doorashooyinka Madaxtooyada iyo Golaha Wakiillada oo hore Golayaasha Sharcid-dejinta, Madaxweynaha, Madaxda Xisbiyada iyo Maxkamadda Sare u go’aamiyeen inay mar wada qabsoomaan 27-ka Maarso 2017-ka.

Balse Faysal Cali Waraabe waxa uu sheegay in go’aankaas meel ay ka maraan jirin maaddaama oo ay hore Madaxweynaha Kalsooni Saxeex ah ugu siiyeen inuu go’aaan ka soo gaadho saamiga kuraasta Golaha Wakiillada ay gobolladu ka kala helayaan, isla markaana ay ballan-qaad iyo saxeexba Madaxweynaha ku siiyeen inay u hoggaansami doonaan go’aan kasta oo uu arrintaas saamiga ku xalliyo. Hase-yeeshee, waxa uu sheegay inay UCID ahaan Shuruudo ku xidhayaan aqbalidda go’aanka Madaxweyne Siilaanyo soo saaray Sabtidii shalay oo ku beegan maalintii uu Digreetada ku soo saaray inay hal maalin wada qabsoomaan doorashooyinka Madaxtooyada iyo Wakiillada oo labadoodaba muddo-kordhin loo sameeyey.

Hase-yeeshee, go’aankan uu Faysal Cali Waraabe sheegay inay aqbaleen, waxaa Qaaddacay Xisbiga Mucaaradka ah ee WADDANI, waxaanu Xoghayaha guud ee WADDANI Maxamed Cabdillaahi Uur-cadde, sheegay inaanay Madaxweynaha Muddo-kordhin, Guddi magacaabid iyo doorashooyinka oo la kala qaado u diran, balse laga sugayey inuu go’aan ka soo saaro saamiga Kuraasta golaha Wakiillada ee gobollada dalka oo qaarkood cabasho xooggani ka taagnayd.

 “Arrintan saami qaybsiga kuraasta golaha wakiilalda muran weyn baa ka jira oo waa lagu kala qaybsanaa oo waa  la siyaasadeeyey oo dad qasdi leh oo xildhibaano ah ayaa siyaasadeeyey, kuwaas oo shacbigoodii iyo deegaannadii ay kasoo jeedeen wax ku akhriyey, markaa waa kii madaxweynuhu annaga saddexdayada xisbi noo soo diray baaqa, annaguna waanagii keeni kari waynay xal, oo waataanu nidhi mar haddii aanu annagu waxba samayn waynay aynu isaga dib ugu celino”. Sidaa ayuu yidhi Feysal Cali Waraabe oo shir jaraaid ku qabtay Hargeysa shalay kadib markii uu soo baxay go’aanka madaxweynuhu, waxana uu intaa ku daray “Arrinta laga doonayay madaxweynaha ee laga sugayay may ahayn muddo kordhin ee waxaa ay ahayd saami qaybsiga kuraasiga golaha wakiillada, kaasi ayuu ahaa qodobka laga maarmi waayya ee laga tashanayay”. “dee madaxweynuhu hadduu xal waayay oo uu qaybin kari waayay saamigii kuraasta sida aanu annagu u qaybin kari weynay oo aanu annaguna nidhi wixii aad goyso waanu raacsannahay, isaguna is yidhi waqti lagaga tashado sii oo uu kala reebay labada doorasho, dee horta waa macquul iyo arrin dhici karta, annaguna haddaanu nidhi waanu ogolnahay taladaada waanu taageersannahay qodobkiisa laakiin shuruud baanu ku xidhaynaa” ayuu yidhi Feysal waxaanu intaa ku daray “Shuruudu waxaa weeye in qorshe hawleed  [Action Plan] la sameeyaa iyo wixii la qaban lahaa oo ay kow ka tahay golaha wakiillada oo dib u habayn [reform] lagu sameeyaa, waayo hadda wuu ku gaboobay meesha, nidaamkii wuu ka baxay oo shuruucdii wuu ka baxay, sidaas daraadeed in la derso nidaamkii iyo xeerkii uu ku shaqaynayay. Qoddobka labaad waa in mushkilladan taagan maanta ee saami qaybsiga kuraasidana waa in xalkeedii la keennaa, haddii la iska seexdo oo la yidhaahdo berrina waa la kordhiyey oo laba iyo toban sanno la xalin kari waayo dee haddana kordhis bay tegi doontaa, taasina waa nasiib darro”. Ayuu ku dooday guddoomiyaha xisbiga UCID.

Dhinaca kale Hoggaanka xisbiga mucaaridka ah ee WADDANI ayaa isagu gebi ahaanba ganafka ku dhuftay go’aanka madaxweynuhu soo saaray. Xoghayaha guud ee xisbiga WADDANI Maxamed Cabdillaahi Uurcadde oo shalay ka hadlay go’aankaasna waxaa uu ku tilmaamay mid aan la aqbali Karin, isla markaana ceelalyo u noqonaya sida ay u arkaan muddo kordhin kale oo xukuumadda loo samayn doono. Mr. Uurcadde oo shalay khadka telefoonka ugu warramay Weriye Cabdi Bidhaan X. Daahir oo laanta afka soomaaliga ee BBC-da ka tirsanna waxaa uu ugu horeyn weydiiyey sababta ay u cuskanayaan diidmadooda, waxaana xogahayaha guud yidhi “WAxaanu ku diidnay waxaa weeye, madaxweynaha waxanu u wakiillanay oo saddexda xisbi ay masuuliyadooda saareen in uu ka hadlo arrinta saami qaybsiga, laakiin go’aan kale oo laga sugayay muu jirin”. Sidaa ayuu yidhi Maxamed Cabdillaahi Uurcade, waxaana mar laweydiiyey in si loohelo waqti saami qaybsigaas looga baaraan dego loo helo ay kala qaadista laba doorasho munaasib tahay, waxaa uu yidhi “haa waa loo baahan yahay in waqti loo helo saami qaybsiga laakiin madaxweynuhu wuxuu fadhiyey lix sanno iyos iyaado, intaasba hawshu way taallay isaga ayaa ka gaabiyey oo muddo xileedkiisa ay ahayd”. Mar xoghayaha la weydiiyey in diidmadoodu ay noqoto muran iyo ku jiqsii caqabad k noqonaysa doorashada madaxtooyada waxaa uu Mr. Uurcadde yidhi “horta go’aanka doorashada madaxtooyada iyo qabashadeeda iyo qabasho la’aanteedu waxay ka go’an tahay madaxtooyada, xisbiyada qarankuse waa u diyaar, laakiin tan aad leedahay [madaxweynhu] waan qabanayaa ee doorashada madaxtooyada, illaa maalintii uu madaxtooyada soo galay ilaa maanta mar walba waxaa uu leeyahay cisho igu dhaafi mayso, haddana [immika] ma aaminsanin annagu in uu doorashada qabanayo xilligii loogu talo galay, goaankan mudada loogu kordhiyey golaha wakiillada ee madaxweynuhu ku kala qaaday labada doorashana waxaanu u aragnaa runtii marmarsiiyo mudada loogu kordhinayo xukuumadda oo laga bilaabayo golaha wakiillada”.

Waxaad Hubaal media kala soo xidhiidhi kartaan E-mailaddan 
Hubaal100@hotmail.com 
Hubaal100@gmail.com
 Hubaal100@yahoo.com
COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- DJIBOUTI NEWS
- Farshaxan
- Farriinnews
- Gabileymedia
- Gabiley24
- GabIleytoday
- Gabileynews
- GABILEYNEWS
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- MURTIMAAL.COM
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SAAXILTODAY
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- saylanews/a>
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews