Mujaahid Cali Guray Oo Sheegay In Quus Laga Istaagi Doono Hay’adaha Garsoorka Haday Sidan Ku Sii Shaqeeyaan, Si Adagna Uga Hadlay Tacadiyada Ka Dhanka Ah Warbaahinta Madaxa Banaan.

0
30

Hargeysa(Hubaal):-gudoomiye ku xigeenka sadexaad ee xisbiga mucaaridka ah ee Ucid Cali Maxamed Yuusuf(Cali Guray) ayaa maanta dalka dib ugu soo laabtay, ka dib markii uu soo dhamaystay safar ugu maqnaa wadanka Ingiriiska.

Cali-Guray11

Gudoomiye ku xigeenka sadexaad ee xisbiga Ucid oo markii uu ka soo dagay garoonka diyaaradaha ee magaalada Hargeysa ka soo degay la hadlay warbaahinta ayaa si faah faahsan uga waramay tacadiyada ka dhanka ah warbaahinta ee ay xukuumadu ku kacayso.

Ugu horay mujaahid Cali Guray oo ka hadlaya dhibaatooyinka lagu hayo warbaahinta ayaa waxa uu yidhi “Warbaahinta madax banaan dagaalka ka dhanka ahi maaha mid cusub ee wuu socday  laakiin wuu sii kululaaday ayaan qabaa, taariikhda Somaliland-na markii ugu horaysay  ayaa maamulka uu madaxweyne Siilaanyo madaxda ka yahay wuxuu baabiiyey laba jariiradood,  tan xadhiga iyo tacadiyadu  joogto ayey iska ahayd  oo tirada ha kala badnaato oo aan idhaahdo sadexdii madaxweyne ee Siilaanyo ka horeeyey la xidhay  waxa ka badan inta la xidhay sanad kaliya oo uu madaxweyne Siilaanyo dalka madax ka ahaa.”

Mujaahid Cali Guray oo hadalkiisa sii wata ayaa sheegay  inuu warbaahinta ku taageersan yahay marka ay soo bandhigaan wakhtigii uu madaxweyne Siilaanyo mucaaridka ahaa iyo sida uu uga hadli jiray dhibaatooyinka la soo darsa warbaahinta madaxa banaan waxaanu yidhi “Arinkana waanu ka xunahay, ka Haatuf ayaana ugu danbeeyey, waxaanan aad  u taageeraa Marka qoladiina warbaahintu wax baadh baadhaan  ee aad soo saartaan wixii uu ka odhan jiray marka la xidho suxufiyiinta ama lagu tacadiyo muwaadiniinta Somaliland  marka uu mucaaridka ahaa,waxaan dhagaystay isaga oo u hadlaya Gaboose Iyo Maxamed Xaashi oo la xidhay kaas oo si fiican ugu talax tagay,  waxaan dhagaystay oo aan goob joogna ka ahaa Yuusuf Cabdi Gaboobe oo lagu xidhay  Mandheera taas oo lagu tartamo safarka loogu tagayo Mandheera si maalin walba cid Kulmiye ahi ula joogto oo ay ugu tagaan Mandheera,

Mujaahid Cali Guray waxa uu madaxweynaha Somaliland ugu baaqay inuu xoriyadooda u soo celiyo hay’adaha warbaahineed ee xidhan, isaga oo ka hadlay xadhiga Yuusuf Cabdi Gaboobe waxaanu yidhi “Anigu waxaan madaxweynaha leeyahay dib iskugu noqo, in 18-kii May uu god madaw ku xidhnaa oo uu ku dhaafo Yuusuf Cabdi Gaboobe adiga oo og in cida xidhay ay barbarkaaga taagnayd, waxaanu leenahay waa inay xoriyadooda xidhaan waana in xuquuqda bina aadanka la ixtiraamaa, waana in xuquuqda muwaadiniinta la ixtiraamaa, waana in xaqa iyo xuquuqda ay leedahay warbaahinta madaxa banaani la ixtiraamaa, sharcigana waxaanu ogolnahay oo aanu goor walba diyaar u nahay in loo wada hogaamsamo loona sinaado” ayuu yidhi mujaahid  Cali Guray.

Ugu danbayntiina gudoomiye ku xigeenka sadexaad ee xisbiga Ucid Mujaahid Cali Guray waxa uu sheegay in quus laga taagnaan doono hay’addaha garsoorka iyo sharci dejinta haddii ay ku  sii socdaan sida ay haatan yihiin, waxaanu si gaar ah uga hadlay dhinaca garsoorka isaga oo yidhi “ Waxaynu ku dhawnahay in laga aamin baxo hay’adihii garsoorka, hay’adihii sharci dejinta waayo marka aynu ognahay in la odhan karo cidaasi anigay sidaas igu tidhiye CID-da haddii aad tihiin kiis u soo sameeeya  ee markay wax soo mal maluuqaana xeer ilaalintii la odhanayo ku ooga  ee hadana garsoore loo yeedhayo ee la odhanayo ku xukun  waxay keeni doontaa in laga aamin baxo gabi ahaanba garsoorkii iyo hay’addihii sharci fulinta  ee dalka taas oo macnaheedu tahay I qofkii la xidhaa noqonayo mid la qafaashay .” ayuu yidhi Mujaahid Cali Guray.

Waxa kale oo uu tilmaamay inaanay taageerayn cid ku xad gudubtay sharciga dalka hore-na aanay u taageerin, waxaanu xukuumada kula dardaarmay inay xoriyadooda u soo celiso hay’addaha warbaahineed ee xidhan.

A REPLY TAGO

Please enter your comment!
Please enter your name here