Muuse Biixi: Soomaaliya Cunaha Ayay Haysaa Somaliland

0
2

Hargeysa )Hubaal) Madaxweynaha Jamhuuriyadda Somaliland, Muuse Biixi Cabdi, ayaa sheegay in dowladda Soomaaliya ee uu hogaamiyo Maxamed Cabdullaahi Farmaajo ay waddo kasta u martay sidii ay cunaha u qaban laheyd dowladdiisa. Arrintan ayuu Muuse Biixi ka sheegay furitaanka Carwada Caafimaadka Somaliland oo lagu qabtay magaalada Hargeysa.

”Dowladda Xamar ka dhisan oo aad ogtihiin inta weerar nagu qaadday taasi oo markii la doortayba dagaalkeeda ku bilowday mashruucii dekedda barbaro iyadoo ku hanjabtay inay calaaqadka u jareeyso carabta taasi oo micneheedu yahay maxaad u hormareysaan. Waxaa taasi xigtay in sanduuqii SDF ee Soomaaliland Mashruuca ka caawin jiray ay naga xayireen iyagoo warqad u qoray waddamada Yurub”, ayuu yidhi Biixi.

”Waxaa intaasi dheer in dowlad kasta oo Soomaaliland soo dhaweyso amaba marti qaadda in cilaaqaadka loo jaro. waxaad kalo ogeydeen dagaalkii ay Tukaraq ku soo qaadeen”.

”Waxaa wax laga naxa ah in xubno ka tirsan xisbiga waddani ay ammaan kala dul dhacaan dowladda Xamar, ma nimankaas baa ammaan naga mudan mise waxay istaahilaan in lala dagaalo, ma waxaanu Farmaajo uga dayanaa dhaqanka uu labadii madaxweyne ee hore uu ku xiraayo elaboorka, xitaa dhaqan Soomaaliyeed ma ahan waxaasi”. ayuu intaasi ku sii daray Madaxweyne Bixii.

Madaxweyne Biixi ayaa dhanka kale sheegay in ay tahay in dadka Somaliland ay isku tashtaan si ay uga badbaadaan mowjadaha danaha isdiiddan ee quwadaha caalamka ay ka leeyihiin Geeska Afrika.

SHARE
Article horeMucaarid Xumaha Maantu Waa Muxaafid Xumihii Shalay
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here