“Ninkaa Waxa Meesha Loo Geeyay Inuu Somaliland Qaso Oo Uu Jarjaro”

0
1

Faysal Cali-Waraabe Oo  Khashifay Qorshe Ka Dhan Ah Somaliland, Kulamo hoose oo Madaxweyne-Ku-Xigeenkii Hore Ee Puntland oo Haatan Ah Safiirka Somalia U Jooga Itoobiya, Iyo Ninka Turkiga U Qaabilsan Wadahadallada Muqdisho Iyo Hargeys ka yeesheen burburinta qadiyadda Somaliland

Hargeysa (Hubaal) – Guddoomiyaha Xisbiga UCID Faysal Cali Waraabe ayaa sheegay in la doonayo in Somaliland loo jarjaro sida Soomaaliya isla-markaana Maamul-gobolleed cusub laga sameeyo bariga Dalka.

Faysal oo Maanta ka hadlay Munaasibad lagu qabtay Hargeysa ayaa sheegay inuu arrintaa wado Safiirka Soomaaliya u jooga Itoobiya, waxaanu yidhi; “Nin la yidhaahdo Camey ayaa Safiir looga dhigay Itoobiya, waa Madaxweyne ku-xigeenkii hore ee Puntland, Ninkaa waxa meesha loo geeyay inuu Somaliland qaso oo uu jarjaro, Shalay wuxuu la fadhiistay Ninka Turkiga u qaabilsan Wada-hadallada Somaliland iyo Soomaaliya, waxaanu isku geeyay Ninka la yidhaahdo Dhoobo-daareed, markaa waxa la wadaa wax la yidhaahdo ‘Makhir State’ oo ah Sanaag, Sool iyo Cayn, taas ayaa hadda IGAD laga soo ansixinayaa, horena wuxuu u casuumay Ugaaska Samaroon, Ugaas Cabdirashiid, Suldaan Siciid oo ah Suldaanka Badhan iyo Fahad Yaasiin.”

Faysal Cali Waraabe waxa kale oo uu sheegay “Waxaas ayaa innagu socda iyo Somaliland loo jarjaro sida Soomaaliya oo laga dhigo Dawlad Gobolleedyo, taasina way suurto-galaysaa haddaynaan innagu beenayn, waxaana waxa inaga qarinaya Muranka gudaheeda.”ayuu yidhi

SHARE
Article horeLAASCAANOOD: Daawo sawirrada iyo muuqaallada Qaybo kamida 13 Mashruuc oo Sanadkan Galbanaya Dawlada hoose ka Fulisay Degmada
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here