HUBAALMEDIA.COM
Nuxurka Dacwad Ka Dhan Ah Xukuumadda KULMIYE Oo Uu Xisbiga WADDANI U Gudbiyey Maxakamada Sare
March 26, 2017 - Written by Mustafe Faro

Hargeysa (Hubaal) Xisbiga mucaaradka ah ee WADDANI ayaa maanta Maxakamada  Sare ee distuuriga ah ee dalka ay u gudbiyey nuqulka dacwado ka dhan ah Xukuumadda KULMIYE, taas  oo uuka guddoomay guddoomiye Maxakamada Sare Md Aadan Xaaji Cali

masuuliyiinta waddani

Masuuliyiinta  Xisbiga WADDANI oo afaafka Maxakamada Sare kula haddlay war-baahinta ayaa faah-faahin ka bixiyey nuxurka dacwadaasi  ka dhanka ah Xukuumadda KULMIYE ee ay u gudbiyeen  Maxakamada Sare ee dalka , waxaana uga horrayn war-baahinta la haddlay Siyaasi Xuseen Axmed Caydiid oo ka tirsan Saraakiisha  Xisbiga WADDANI waxaana ku bilaabay haddalkiisa “Arrintaas saldhiga oo run ahaantii aynaan  hayn  heshiis cad oo somaliland la saxeexatay  dowlada imaaraadka carabta tuhumo badanina ay jiraa sida war-qadaa ku qoran in soomaaliya lalagalay ayay muujinaysaa oo waxan loo qarinayo ee heshiiska loo keeni la’yahay  wuu yahay  waxaan inaga inagu koobnayn ee ina dhaafsiisan ee waxa la inagala haddlayaa ay tahay uun gacan ku haynta yar ee aynu Berbera gacanta ku hayno sidii la inooga meel marsan lahaa uun weeye, lakiin cid heshiiska lala galay tuhunka ugu weyni uu yahay in Soomaaliya lala galay, waa taas saxaafad caalamka qorayso , waata aad ka war haysaan  in hanti dhawrihii guud ee Soomaaliya uu ka waramay ee uu yidhi “waxa saxaaxday Xukuumaddii meesha ka tagtay”,taas dhibaatada ay leedahay ee ay Xukuumaddeenu inaga dhigayso maamul goboleed  yar oo marka heshiiska xagii sare lala qaatay heshiiska inagana gacan ku haynta yar uun la inaga laaluushayo , horta inta lala dhuumanayaa waa intaas,Haddii aanay taasi jirin  Xukuumaddu waxa weeye bilo ayey waxan weday  bilaah ay weday wax dhan ayey keeni lahayd  oo ay soo dhammaysatay oo ay leedahay waa heshiiskaa,qodabadiisu waa kuwaa hebel iyo hebel ayaa saxeexay, waxaas ayaan xuquuq ku leenahay waxaas ayaa waajib la inoogu leeyahay ayey keeni lahayd, markaa madaama taa lahayn ta la qaadanayaa waxa weeye ta ay koonfuri sheeganayso ee ay leedahay  dowladayadii hore ayaa saxeextay  ee jaraa’idkaa  iyo war-baahinta caalamka oo dhammi ay sheegayaan in arrinta Soomaaliya lala galay ayaa runtii xaqiiqdu noqonaysaa”Ayuu yidhi Siyaasi Xuseen Axmed Caydiid.

Siyaasi Xuseen Axmed Caydiid oo haddalkiisa sii wata ayaa intaasi raaciyey “Markaa dhibaatooyinka uu leeyahay saldhigaasi  iyo saamaynta taban ee uu ummadda ku yeelan karro  ee uu Xisbiga WADDANI ka soo diyaariyey daraasada cilmiyeysan , ayaa waxa la kala ilaalinayaa  dadka iyo daraasadaa, arrintaas oo uu markaa wasiiru dowlaha arrimaha guduhu war-qad ka soo saaray burinaysa qawaaniinta iyo qaraar hore  oo maxakamadeed oo yaaley labada lidi ku ah  ayaad ka war hayseen oo Xisbiga WADDANI lagaga xidhay  madashii uu ku soo bandhigi lahaa cilmi baadhista”Ayuu yidhi Xuseen Axmed Caydiidi.

Xuseen Axmed Caydiid ayaa ugu dambayntii faah-faahin ka bixiyey dacwad ka dhanka ah Xukuumadda ee ay u gudbiyeen Maxakamada Sare waxaanu yidhi “Ta Maanta aanu ka dacwoonaynaa  waxa weeye waa cilmi baadhistaa la soo bandhigi lahaa ee ay is hortaagtay Xukuumaddu , iyadoo meel kaga dhacday oo ku gefaysa distoorkii iyo qawaaniintii axsaabta iyo qaraarkii ay maxakamadu hore uga gaadhay arrinkaasi , mar dambe ayaanu keenay taa, haddii alle yidhaah waxaanu rajaynaynaa  qaraar dimuqraadiyad anfaca, qaraar u hiiliya ummadda iyo cadaalada u hiiliyay, qaraar meesha ka saara si xuna waan yeelay haddan waan qarsanayaa in tayda laga haddlona cidi yeelimayso, taa wax buriya ayaan rajaynaynaa inuu ka soo baxo.”

Dhanka kalena waxa isna halkaasi ka haddlay ugu dambayntii Xoghahaya guud ee Xisbiga WADDANI waxaanu ku bilaabay haddalkiisa “Waxaanu maanta u nimi markii labaad in aanu dacwaad ka dhan ah xukuumadda aanu u geyno Guddoomiyaha Maxakamada Sare , runtii markii hore sifiican  ayuu ka yeelay qoraal ayuu soo saaray sida ay shuruucda dalku dhigayaan in lagu shiri karro oo uu meel walba xisbigu uu ku shiri karro, nasiib darro rag indho lah oo dhego’la oo dalka maanta madax ka ah oo leh waanu haysanaa ayaa maalin walba iyagoo shuruucdii wadanka aan raacay wixii uu caqligoodu yidhaahdo soo qoraya oo dul maaya masaakiintii  iyo dadkii lahaa hudheelada waa weyn iyo Xisbiyad uu qaranku u ogolaa inuu wax naaqisho”Ayuu yidhi Uur Cade.

Xoghaye Uur-cade ayaa intaasi ku daray”Waxa la diidayaa waxa weeye  saldhiga Berbera, xisbiga WADDANI cid uu diidi karta iyo cid noo diidi karta in aanu ka haddalno ma jirto cid aanu ka yeelaynaana ma jirto,meel walba waan ku qabanaynaa meel- walba waan kaga haddlaynaa  waa dalkayagii waa wadankayagii “

Ugu dambayntii Xoghaye Uur-cade ayaa Xukuumadda baaq u diray, isagoo sidoo kale soo badhiga war-qad ka soo baxday imaaraadka carabta oo fashilisay in heshiiska  dhaxakl wareejinta madaarka Berbera ay dowlada muqdisho saxeexday “Waxa la bixinayaan waa waxaa uu caalamu sheegayo , waxay u haystaan in ay keligood ogyihiin, waxaanu ka codsanaynaa xukuumadda maanta ku amar  kutaaglaysay dalka  in ay si cad u soo hordhigto Golaha waxay leedahay waxaanu ku soo saxeexnay DUBAI  ee Madaxweyne ku-xigeenku sheegayo ee wasiirka arrimaha debadu sheegayo  ee ay ku faanayaa qaranka cidii lahayd lagama qarin karro cidooda cida la siinayo, waxaanu codsanaynaa in la soo hordhigo golayaasha qaranka oo golaha wakiilada la horkeeno  oo ama la ansixiyo ama la diido , haddii taa la diido waa qayra sharci Xisbiga WADDANI-na marna aqoonsan maayo marna aqbalimayno in waxaan ogayn aanu aqbalno oo dalkayaga lagu bixinayo”Ayuu ku soo afmeeray haddalkiisa Xoghaye Uur-cade.

Waxaad Hubaal media kala soo xidhiidhi kartaan E-mailaddan 
Hubaal100@hotmail.com 
Hubaal100@gmail.com
 Hubaal100@yahoo.com
COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- DJIBOUTI NEWS
- Farshaxan
- Farriinnews
- Gabileymedia
- Gabiley24
- GabIleytoday
- Gabileynews
- GABILEYNEWS
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- MURTIMAAL.COM
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SAAXILTODAY
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- saylanews/a>
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews