Guriga Blog Page 1575

Dhageyso: Mujaahid Cali Xaraaro Oo Naqdiyay Dhaliilaha Gaarka Ah Ee Madaxweyne Siilaanyo, Kuwa Xukuumaddiisa iyo Qodobo Kale

0

Hargeysa (Hubaal) – Mujaahid Cali Xaraaro oo kamid ah mujaahidiintii SNM iyo siyaasiyiinta dalkan jamhuuriyada Somaliland ayaa waxa uu ka hadlay dhaliilaha gaarka ah ee madaxweyne Siilaanyo, kuwa Xukuumadiisa iyo arrimo kale.

mujaahid cali xaraaro(1).jpg

Mujaahidka oo waraysi uu siiyay warbaahinta qaar waxa uu kaga hadlay xaalada guud ee maanta dalku ku sugan yahay.

Isaga oo ku sifeeyay xukuumadan uu siilaanyo gadhwadeenka ka yahay mid dalka hoos u dhigtay dhinacyo badan oo uu ku sheegay tacadiga saxaafada uu ku yahayo iyo fur-fur baahsan oo siyaasada dalka ka muuqda

qaranimadii dadkani u soo dhinteen iyo mawqifkoodii somalia ay ka taagnaayeen oo ay xukuumadani maaesha ka sii saarayso oo imika aanu soomaaliya isku dhex jirno halkaana waxa gaadhsiisay xukuumada siilaanyo” ayuu yidhi mujaahid cali xaraaro

Madaxweyne Siilaanyo Oo Turkiga Ka Tacsiyadeeyay Masiibadii Dadka Badani Ay Ku Dhinteen

0

Madaxweynaha Jamhuuriyadda Somaliland Mudane Axmed Maxamed Siilaanyo ayaa dawladda iyo shacbiga dalka Turkiga ka tacsiyadeeyay  khasaarihii balaadhnaa ee ka dhashay godad macdanta laga qodo oo dab qabsaday  gelinkii dambe ee maalintii Salaasadii todobaadkan, halkaasi oo ay ku dhinteen dad ka badan 270 oo qof.

Sidaasna waxa lagu sheegay war-saxaafadeed uu caawa soo saaray afhayeenka Madaxtooyadda Md. Axmed Saleebaan Dhuxul, waxaanu u dhignaa sidan:-

“Madaxweynaha Somaliland Mudane Axmed Maxamed Maxamuud (Siilaanyo) oo ku hadlaya magaciisa iyo magaca shacbiweynaha JSL, waxa uu ka tacsiyadeynayaa dawladda  iyo shacbiga Turkiga muwaadiniintii wadankaasi  ee ku naf waayay mid ka mid ah goobaha  macdanta laga qodo oo dad qabsaday, iyadoo ay shilkaasi ku dhinteen ALLE ha u naxariistee dad ka badan 200 oo qof, halka wali ay socoto dedaalo lagu badbaadinayo illaa saddex boqol oo qof oo kale oo ku hoos jira godkaasi.

Madaxweynuhu waxa uu  dhambaal tacsi ah u diray  Raysal wasaaraha Turkiga Md. Recep Tayyip Erdogan, waxaanu madaxweynuhu sheegay inay qaran ahaan dawladda iyo shacbiga Somaliland shilkaas dhimashada weyn keenay, dareen ahaanna ay xanuunka shilkaasi ka dhalatay ay la qaybsanayaan walaalahooda Turkiga.

Madaxweynaha Somaliland waxa uu dadka shilkaasi ku dhintay ILAAHAY uga baryay inuu naxariistii jano ka waraabiyo, waxa kale oo uu EEBE uga baryay  dadka baadi goobka loogu jiro ee ku hoos jira godadkaas macdanta inuu ILAAHAY ka samato bixiyo.”

Xog-Hayaha Hidaha Iyo Dhaqanka Ee Xisbiga Mucaaradka Ah Ee WADDANI Oo Xukuumada Ugu Baaqay In Ay Si Dag-Deg Ah Wax-Uga Qabato Dhacdadii Ka Dhacday Deegaanka Kalshaale.

0

Hargeysa(Hubaal) -Xog-hayaha Hidaha iyo Dhaqanka ee Xisbiga Mucaaradka ah ee WADDANI Jiif Caaqil Cabdi Guuleed Gaboobe ayaa ugu baaqay Xukuumada Siilaanyo,Oday Dhaqameedka reer Somaliland in ay si dag dag ah ay wax uga qabtaan sidii loo damin lahaa dhacdadii dilalka aar goosiga ahaa ee ka dhacday deegaanka Kalshaale.waxaana uu sheegay in aan maanta loo baahnayn in dilalkaasi noqdaan kuwo soo noqnoqda,maadaama ay hore u ahaayeen kuwo la damiyey.

had

Jiif Caaqil Cabdi Guuleed Gaboobe oo maanta shir jaraa’id ku qabtay Magaalada Hargeysa ayaa waxaa hadaladiisii ka mid ahaa:

“Waxaan doonayaa in aan ka hadlo dilalka isu aarka ah ee ka dhacay magaalada Kalshaale ee deegaanka Kalshaale,dilalkaasi oo aan ahayn maanta qaar loo baahan yahay,waxa weeyaan meeshaa dhibaatooyin baa hore uga dhacay,waa ay dhamaadeen muda ayaa aynu ka nasanay,fidmada maalin walba loo soo kicinaayo ee kolba qof ku dhimanaayo kakalana looga aarayo waxa weeyaan dhibaato laga yaabo in ay keento cawaaqib xumo”.

Xog-hayaha Hidaha Iyo Dhaqanka ee Xisbiga Mucaaradka ah ee WADDANI oo hadalkiisa sii wata ayaa waxaa uu intaasi ku daray in aanay ka xisbi ahaan aanay donayn in ay colaadahaasi ay ka sii socdaan deenadaasi,waxaana uu ugu baaqay dhinacyada ishaya ee ay dhacdadu kala dhex martay ay sameeyaan sidii ay midiba midka kale ay u saamixi lahaa,kana wada shaqeeyaan nabada iyo jaarnimada ay xaqa isagu leeyihiin in ay wada noolaadan

“Anagu hadaanu nahay Xisbiga Mucaaradka ah ee WADDANI waxaanu doonaynaa in dadka deegaankaasi ee Walaalaha ahi ay nabad ku wada noolaadaan,in beel waliba beesha kale ay ilaaliso wada noolaanshiyahooda iyo jiiraanimadooda waayo waxa weeye dadka iyaga ayaa isagu xiga oo labadii qof ee meel wada daganiba dadka kale iyaga ayaa iska xiga,markaa waxa weeyaan ilaa ay iyaga nabad galyadu ay ka soo godo cid kale oo iyaga nabad galyada u dhamayn kartaa ma jirto,markaa waxaanu kula talinaynaa dadkaas oo ah dad walaalo ah dad isku deegaan ah ee ay dhibaatadu kala gaadhay aanu ugu baaqaynaa in ay si walaal nima ah ay deegaanka ugu wada noolaadaan oo ay deeganka jiiraan wanaagsan ay ku nodaan,oo dhibattadana yareeyaan,waxaananu ka xisbi ahaan aanu dadkii halkaasi ku geeriyooday aanu tacsi u diraynaa eheladii iyo qaraabadii ay ka baxeen,waanan ka xunahay hadaanu nahay Xisbiga WADDANI,waxaanan rajaynaynaa in aan dhibaatadaasi mar labaad aanay soo noqonin,tana ay sida ugu wanaagsan ee wax u xalismaan ee walaalnimo,wadahadal ay ku dhamaato”Ayuu yidhi Jiif Caaqil Cabdi Guuleed Gaboobe.

Jiif Caaqil Cabdi Guuleed Gaboobe waxaa uu sida uu ugu baaqay beelaha walaalaha ah ee wada dagan deegaanka Kalshaale in aanay in aanay dhacdadaasi waxba u dhimin dadaalada ay dawladu mudooyinkii danbe ay ka wado Deegaanka Kalshaale,waxaana uu carabka ku dhuftay in ay ka xisbi WADDANI ahaan ay si aada u soo dhawaynayaan una barbar istaagayaan waxii wanaagsan ee ay dawladu ku dhaqaaqdo ama cid kale oo muwaadin reer Somaliland ahi

“Waxaanu sida oo kale aanu ka codsanaynaa in aan dhibaatada halkaasi ka dhacday aanay waxba u dhimin dadaalada ay dawladu ka wado magaalada Buuhoodle,oo Wasiirkii Caafimaadka ayaa jooga Buubhoodle,wasiirkuna uu ku guulaysto arimaha uu halkaa u joogo,waayo anagu hadaanu xisbiga mucaaradka ah ee WADDANI,waxaanu si aad u soo dhawaynaynaa waxii wanaagsan ee ay dawladu ku dhaqaaqdo,waxaanan nahay qaar soo dhawaynaaya oo barbartaagan ee ay dawladu hirgalinayso ama ay cid kale oo reer Somaliland ahi ay hirgalinayso”Ayuu yidhi Xog-hayaha Hidaha Iyo Dhaqanka ee Xisbia Mucaaradka ah ee WADDANI.

Xog-hayaha Hidaha Iyo Dhaqanka ee Xisbiga Mucaaradka ah ee WADDANI Jiif Caaqil Cabdi Guuleed Gaboobe waxaa sida oo kale uu baaq balaadhan u soo jeediyey Xukuumada Somaliland gaar ahaan Wasiirka Arimaha Gudaha Somaliland Md:Cali Maxamed Warancade iyo Madax dhaqameedka Somaliland in ay si dag dag ah ay uga hawl galaan sidii loo soo afjari alahaa dhacdaasi ka dhacday degaanka Kalshaale waxaana uu yidhi

“Arintaa kalshaale maanta ka taagan waxaan ugu baaqaynaa dawlada gaar ahaan wasiirka daakhiliga Madax dhaqameeda iyo Cid alaale iyo cidii kale ee ay Khusayo in ay hawshasi sida ugu dhakhsaha badan uga hawl galaan xalinteeda iyo  so oaf-jarideedadaba oo aanay noqon mid sii jiitanta”

Gabagabadii waxaa uu Xog-hayahu uu hambalyo balaadhan u diray dhamaanba shacbiga reer Somaliland gaar ahaan taageerayaasha Xisbiga Mucaaaradka ah ee WADDANI munaasibada Xuska 18-Ka May awgeed,waxaana uu ugu baaqay dhamaanba Shacbiga reer Somaliland ee kunool gudo iyo dibada in ay si balaadhan uga qayb qaataan sidii ay u samayn lahaayeen isu soo bax balaadhan oo aynu beesha caalamka ku tusno,qadiyada gooni isu taaga jamhuuriyada Somaliland

“Arinta kale ee aan doonayo in aan halkan kaga hadlaa waxa weeye in aan halkan aan baaq uga diro dadweynaha ree Somaliland gudo iyo dibadba in aad loo xuso,oo laga dhigo mid ka weyn kuwii hore oo aduunyada tusta qadiyadeena iyo waxa aynu doonayno,xisbiga mucaaradka ah ee WADDANI na waxaa uu meel kasta oo ay joogaan taageerayaashiisu in ay maalintaa si wanaagsan isagu soo baxaan,oo ay weyneeyaan kagana qayb galaan si muwaadinimo ah oo ah sidii ay horeba caanka ugu ahaayeena,waxaanan si balaadhan aan hambalyo ugu dirayaa dhamaanba shacbiga reer somliland gaar ahaan taageerayaasha Xisbiga Mucaaradka ah ee WADDANI Munaasibada 18-ka may awgeed “Ayaa uu yidhi Jiif Caaqil Cabdi Guuleed Gaboobe.

Daawo+ Sawiro: Wasiir Xirsi Iyo Wafti Uu Hogaaminayo Oo Ka Degay Washington DC Ee Cariga Maraykanka

0

Hargeysa (Hubaal) -Waftigii uu hoggaaminaayay Wasiirka Madaxtooyadda Somaliland, Mudane Xirsi Cali Xaji Xasan ayaa gaadhay Caasimadda waddanka Maraykanka ee Washington DC, waftigan oo ay xubno ka yihiin Guddoomiye ku-xigeenka koobaad ee Golaha wakiilada Baashe Maxamed Faarax, Xildhibaan Cali Obsiiye Diiriye (Cali Gabilay) iyo Marwo Sacdiya oo ka tirsan guddida qaran ee dhismaha wadada Ceerigaabo.

00088

Waxaa ku soo dhaweeyay garoonka diyaaraha, Wakiilka Somaliland u fadhiya dalka Maraykanka Rashiid Gaaruf, Guddoomiyaha Jaaliyada Washington Xaashi Ismaciil iyo dad weyne  ka tirsan Jaaliyada Somaliland.

Waftiga oo garoonka lagaga soo galbiyay gawaadhida martida waxaa la dajiyay goobihii loo sii diyaariyay iyadoo marti-qaad koodana ay ka mid ahayd  qado sharaf madaama ay ku beegmeen xiligii qadada taasi oo loogu sii talo galay,  Safiirka Somaliland ee waddanka Maraykanka Rashiid Gaaruf oo ka hadlay socdaalka Waftiga wuxuu sheegay inay jaaliyadaha kala qayb gali doonaan xusaska munaasibada qaran ee 18 May.

000091487692_10152406837858535_9080850063016768139_o

Wasiirka Madaxtooyada Xirisi Cali Xaji Xasan oo isna geestiisa ka hadlay ayaa u mahad-naqay dadkii ku soo dhaweeyay Magaaladda Washington DC, isagoo ugu bushareeyay inay munaasibada qaranka la ciidi doonaan. Maalmaha soo socda ayaa la filayaa inay waftigu ka qayb galaan munaasibado kala duwan oo kuwaas oo lagu kala qaban-doono magaaloyin kala duwan oo ku kala yaala waddamada waqooyiga Ameerika.

HALKAN ka DAAWO: Hees Cusub Oo Hal-ku-dheggeedu yahay [CADOWGAA U NOOLOW]

0

HALKAN ka DAAWO: Hees Cusub Oo Hal-ku-dheggeedu yahay [CADOWGAA U NOOLOW]. Ereyada Heestu Waxa Ay Maskaxdiisa ka soo maaxtay Fanaanka Guuleed Cabdiraxmaan Karaama, Naaxiyada waxa saaray Isaga, Codkana waxaa ku luuqaynaya isla Guuleed Karaama.

uuleed

HALKAN KA AKHRISO: Dawladdaha Hoose Oo Digniin Adag U Diray Meheradaha, Guryaha Iyo Baabuurta Laga Waayo Calanka Somaliland

0

Xarunta dawladda Hoose ee Berbera o calan duug ahi sudhan yahay, dadkana ku boorisay inay calamo cusub guryahooda sudhaan + Golaha Degaanka Hargeysa oo liiska ganacsi kala noqonaya meheradaha astaanta laga waayo calanka Somaliland

Hargeysa (Jam)- Golaha Degaanka Caasimadda Hargeysa iyo dawladda Hoose ee magaalada Berbera, ayaa digniino adag u diray meheradaha ganacsi, guryaha iyo baabuurta dadweynaha ee laga waayo calanka Somaliland oo ku xardhan, arrintaasoo qayb ka ah xuska maalinta qaranimada ee 18-ka May.

Ku-simaha maayirka Hargeysa, ahna maayir-ku-xigeenka Md. Cabdicasiis Maxamuud Xaashi (Cago-weyne) oo kulan la yeeshay shalay iskaashatooyinka kala duwan ee ka jira caasimadda, ayaa ku baaqay in dhammaan meheradaha ganacsi ee dhinacyada ka xiga waddooyinka waaweyn la sudho, laguna xardho astaanka Jamhuuriyadda Somaliland oo callanku ugu horreeyo, isagoo xusay in meherada astaamahaas laga waayo lagala noqon doono liisanka ganacsi ee ay ku shaqayso.

“Waxaannu idiin sheegaynaa dhamaan ganacsatada suuqyada waawayn ee meheradaha ku soo jeeda leh laamiyada waaweyn inaad sudhaan astaanta Jamuuriyadda Somaliland oo ah calanka laga bilaabo, kuna xidhaan laydh ka turjumaya maalinta qaran ee 18-ka May, meherada aannu ka weyno calanka, waxaannu ka qaadi doonaa liisanka ganacsi, mana ogolaan doono meherada aannu calanka Somaliland sudhnayn, dadka ku nool caasimadana waxaannu ugu baaqaynaa in ay muujiyaan maalinta qaran ee 18-ka May, isku soo bax ballaadhan ka dhigaan caasimadda, iyagoo caalamka tusaya halka ay ka taagan yihiin Mabda’a Somaliland. Guryaha iyo xaafadahana, waxaan u soo jeedin lahaa in ay xaafad waliba qashinka iska hor gurto, calankana ku xidhaan guryahooda,” ayuu yidhi Maayir-ku-xigeenka Hargeysa.

Waxa kale oo uu dadweynaha ugu baaqay inay nabadgelyada ilaashadaan qof waliba halkiisa ku noqdo boolis ammaanka qaabilsan, waxaannu yidhi; “Waxaan shacabka u soo jeedin lahaa inay ilaaliyaan amniga, qofkastaana maalintaas waa askari, waxa uu garan waayan waa inuu la soo xidhiidhaa ciidanka am halka ugu dhaw rug ciidan, qofkasta waxa uu maalintaas yahay ciidan, innagaa ilaashanayna nabadeena, dawladuna way feejigan tahay, shacabkuna waa uu ogyahay, waxaanu leeyahay qof waliba qofka kugu xiga ka war hay, guri walowba ka war hay guriga kugu xiga.”

Dhinaca kale, Dawladda Hoose ee magaalada Berbera, ayaa faafisay in gaxaan culus laga qaadi doono meheradaha, guryaha iyo baabuurta laga waayo calanka Somaliland iyo calaamadaha xuska u ah maalinta qarannimada ee 18-ka May, iyadoo maamulka dawladda Hoose ee Berbera ka gaabiyeen inay dhismaha xaruntooda guddoon ku sharraxaan calanka iyo astaamaha muujinaya xuska 18-ka May.

Sida weriyaha Jamhuuriya ee Gobolka Saaxil ku warramay, cod-baahiyey la saaray baabuur dawladda hoose ee Berbera leedahay, ayaa magaalada ku wareegay, kaasoo dadweynaha ku wargeliyey in la ganaaxi doono meheradda,  gaadiidka iyo guryaha laga waayo calanka Somaliland, waxaanna bulshada lagu dhiirigeliyey inay si weyn uga qaybqaataan dabaal-dega maalinta qarannimada ee 18-ka May.

Hasayeeshee, weriyaha Jamhuuriya oo xarunta dawladda Hoose ee Berbera iyo fagaaraha 26-ka June ee lagu qabto xusaska, ayaa sheegay inuu arkay in aan diyaargaraw xooggan ka socon dawladda hoose, isla markaana aan dhismayaasha xarunta u ah lagu xardhin calanka Somaliland iyo astaamaha maalinta qarannimada, isagoo xusay in calanka dalka oo duug ahi ka dul-babanayo xarunta dawladda hoose, taasoo muujinaysa in aanay wax diyaargaraw ah ku jirin, balse dadka loogu hanjabay in la ganaaxi dooni haddii calanka Somaliland laga waayo xarumahooda ganacsi, baabuurtooda iyo guryaha, halka ay ka qurux badnaan lahayn in marka hore dawladda hoose iska bilawdo, astaamaha qarankana ku qurxiso xaruntooda guud, ka hor inta aan dadweynaha loo dirin fariinta digniinta ah.

Waxa kale oo jira inta badan xarumaha dawladda ee magaalada Berbera oo aanay ka muuqaan diyaargarawga xuska maalinta qarannimada ee 18-ka May, kuwaasoo ay ka mid yihiin; Xarunta Cashuuraha Barriga ee Berbera, kastamka guud, Wakaallada Korontada iyo madaarka Berbera, balse, waxa abaabul xooggan laga dareemayaa dekedda Berbera oo wajahada hore ee dhismaheeda ku sharaxday calanka Somaliland iyo astaamaha qarannimada, halka sidoo kale Xarunta Waxbarashadda ee Gobolka Saaxil laga wado diyaargarawga 18-ka May.

Guud ahaanba bulshadda ku dhaqan magaalooyinka waaweyn ee Somaliland, ayaa si xooggan looga dareemayaa xuska maalinta qarannimada ee 18-ka May oo loo dareeri doono Axadda toddobaadkan, waxaanna xaami ah, aadna u camiran goobaha iyo suuqyada lagu iibiyo calanka Somaliland, sidoo kale waxa aad u shaqeeya dawaarayaasha oo ku mashquulsan inay dhar kala duwan ka tollaan calanka.

Dalka Jamhuuriyadda Somaliland, ayaa 18 May 1991 xoriyadiisa kala soo noqday Soomaaliya, iyadoo Somaliland iyo Soomaaliya si mutadawacnimo ah isku raaceen, kadib markii ay madaxbannaanida ka qaateen dalalka Ingiriiska iyo Talyaaniga sannadkii 1960-kii, balse dhibaatooyin badan, tacadiyo, caddaaddis, dil, xasuuq iyo barakac ayey dadweynaha reer Somaliland kala kulmeen is-raacaas, kuwaasoo sababay in ururkii SNM  halgam hubaysan oo qaatay muddo toban sanno ah kadib ku guulaysteen inay dhulka Somaliland ka xoreeyaan taliskii Siyaad Barre.

Hubaal Media News Desk

Hargeysa, Somaliland

AKHRI: Tirada Dad Ku Naf Waayay Shaqaaqo Dhimasho iyo Dhaawac Leh Oo Dhex Martay Beelo Hoos Yimaada Qori-lugud iyo Buuhoodle  

0

 

Burco (Hubaal)- Saddex Qof ayaa ku dhintay, ka dib markii iska horimad laba beeleed ahi ka dhacay degaanka Qaydarka oo ka tirsan Kalshaale, una dhexeeya degaannada Qorilugud iyo Buuhoodle maanta.

 

Sida Wararku sheegayaan shaqaaqadan, ayaa bilaabantay kadib markii nin hubaysan oo ka soo jeeda degaanka Buuhoodle uu toogasho ku dilay nin ka soo jeeda Degaanka Beelaha Qorulugud shalay, dilkaasoo sababay in isla markiiba beelaha degaanka Qorulug ay dileen laba nin oo ka soo jeeda degaanka Buuhoodle.

news

Degaanka Qaydarka oo ay ka da’een dhowaan roobbabka gu’gu, waxa ku soo hayaamay dad reer guuraa ah oo ka soo kala jeeda degaannada Buuhoodle iyo Qoruludug, iyadoo xiisadda u dhexaysa dadka degaanka ku wada nool aad u kacsantahay.

 

Falka khasaaraha dhimashada ah sababay, ayaa ku beegmay xilli Wasiirka Caafimaadka Somaliland ku sugan yahay degaanka Buuhoodle, iyadoo sannado ka horna halkaas ku dagaalameen beelaha walaalaha ah ee ka soo kala jeeda Buuhoodle iyo Qorulugud, gaar ahaan degaanka Kalshaale.

 

Hubaal Media News Desk

Hargeysa, Somaliland

 

Halkan ka Akhri: XUKUUMADDA Somaliland iyo KOOXDA XIDIGAHA GEESKA Oo Iska Kaashanaya Xaflad Loogu Dabbaal-Degayo Xuska 18-KA MAY

0

Waxa Ay Kooxdu Hudheelka Guuleed Ee Magaalada Hargeysa Ku Qabanayaan Bandhig-faneed Qaran Oo Ay Ka Qayb galayaan dad lagu qiyaasay Ilaa 5000 qof, lagumana gelayo Wax lacag ah

Hargeysa (Hubaal)-Kooxda fannaaniinta Xiddigaha Geeska, ayaa isku diyaariyey sidii ay qayb weyn uga qaadan lahaayeen dabbaaldegga xuska sannad-guurada 23aad ee 18-ka May oo maalintii Somaliland madaxbannaanideeda kala soo noqotay Soomaaliya sannadkii 19991-kii.

Kooxda Xiddigaha Geeska oo ay ku bahoobeen fannaaniin da’yar oo kasbaday dhegaha Soomaalida dacallada dunideeda ku kala nool, ayaa sannadkan uga qaybgalaya xuska 18 May si ka qurux badan, kana heer sarraysa sidii sannadihii hore, waxaanay hudheelka Guleed ee magaalada Hargaysa ku qabanayaan bandhig-faneed Qaran oo ay ka qaybgalayaan dad lagu qiyaasay ilaa 5000 (shan kun) oo qof.

kooxda-fanka-ee-Xidigaha-GeeskaBandhigaas oo ah mid si fiican loo agaasimay, la iskuna dubariday, laguma gelayo wax lacag ah, balse lagu geli doono kaadh casuumad ah, iyadoo dadka ka qaybgalaya ay si wadajir ah u casuumeen xukuumadda Somaliland iyo kooxda Xidigaha Geeska.

Maalmihii u dambeeyey waxa magaalada Hargeysa lagu arkay calaamado lagu xusayo 18-ka May oo ay ku sawiran yihiin kooxda fanka ee Xidigaha Geeska Afrika.

Guddoomiyaha Kooxda Xidigaha Geeska Abwaan Xasan Saleebaan Dhuxul (Laab-saalax), ayaa ka xog-warramay qaabka ay uga qaybgelayaan xuska 18 May ee sannadkan 2014, “Horta waxaannu ka mid nahay muwaaddiniinta u diyaargaroobaya, kana qaybqaadanaya xafladda 18 May, taasoo aad moodo in sannadkan loo xusayo si ka ballaadhan sidii loogu dabbaaldegay sannadihii hore. Annagu waxaannu hudheelka Guuleed ku qabanaynaa xaflad ay ka qaybgalayaa masuuliyiinta dawladda, gelayaasha qaranka iyo shacabka qaybihiisa kala duwan. Sidoo kale, subaxnimada haddii Rabbi qadaro fagaaraha khayriyada ee Gobolka Gabiley ayaannu dadka kala qaybgalaynaa,” ayuu yidhi abwaan Laab-saalax.  Waxa kale oo uu sheegay inay xuska 18-ka May ugu talogaleen heeso cusub oo waddani ah

Hubaal Media News Desk

Jamhuuriya

HUBAAL: Tartanka Musharraxnimada Madaxweyne Ee Xisbiga KULMIYE Oo Soo Kordhaysa Iyo Siyaasi Qurbe-joog Ah Oo Shaaciyey Hankiisa Musharraxnimo. Ka Bogo Waraysi Uu Bixiyey

0

HUBAAL: Tartanka Musharraxnimada Madaxweyne Ee Xisbiga KULMIYE Oo Soo Kordhaysa Iyo Siyaasi Qurbe-joog Ah Oo Shaaciyey Hankiisa Musharraxnimo. Ka Bogo Waraysi  Uu Bixiyey

 London (Hubaal):-Waxaa soo kordhaya siyaasiyiinta shaaciyay inay u tartamayaan musharraxa Madaxweynaha Somaliland ee Xisbiga talada haya ee KULMIYE dhexdiisa, waxaana tii ugu dambaysay ku dhawaaqay Safiirkii hore ee Somaliland u fadhiyay dalka Ingiriiska Axmed Cumar Sangoore. Hadaba halkan ka daawo waraysi uu bixiyay oo uu kaga hadlayo hankiisa musharaxnimo.

 

Sangoore

Qorshaha Madaxwayne Siilaanyo Iyo Caa’iladiisa Uga Meel-Yaala Suxufiyiinta   Aargoosiga Ugu Xidhan ee HAATUF!!! W/Q:  Naasir Aadan. naasir117@gmail.com

0

 

Madaxwaynaha Somaliland Axmed Siilaanyo, Marwadiisa Aamina Sheekh Maxamed Jirde iyo wiilka uu sodoga u yahay ee Baashe Cawil qorshaha uga meel yaala masuuliyiinta Haatuf ee u xidhan waxa weeyi in lagu xukumo xadhig-dheer oo ay jeelka ku baanisaan inta u dhaxaysa 3 ilaa 6 sanadood iyadoo ay ku xisaabtamayaan in sanadka u hadhay loogu daro laba sanadood oo mudo kordhin ah ama shan sanadood oo dib loo doorto.

Axmed Siilaanyo iyo caa’iladiisa ayaa waxay arrintaasi talo ku gaadheen ka dib markii masuuliyiinta Haatuf lagala quusta inay ogolaadaan in xayiraada laga qaado, dacwadana lagala noqdo iyaguna ay balan-qaadaan inaanay wax danbe ka qorin Baashe Cawil iyo arrimaha shidaal baadhistaba.

nasirLabadan shardi ee lagu xidhay madaxda Haatuf ayaa waxay muujinayaan in wargeysku taabtay laba arrimood oo caa’ilada madaxwayne Siilaanyo ku noqday dhimbiil dab ah, iyadoo ay caa’iladu xasaasiyad dheeraad ah ka qabto qod-qodista heshiisyada shidaal baadhista oo ah meesha ugu musuqmaasuqa badan ee ay caa’ilada madaxwaynuhu wax ku qabsadaan iyo sidoo kale soo bandhigista awoodaha qarsoon ee wiilka madaxwaynuhu sodoga u yahay ku yeeshay dawladda isagoon meelna kaga qornayn xukuumadda.

Xasaasiyadaa (Sensitive) siyaasada ah ee ay caa’iladu u leedahay labadan arrimood, waxa u daliil ah go’aamadda khal-khalka ah ee ay sida is daba jooga ah kolba uga qaadanayaan arrinta Haatuf oo ay ku bilaabeen xayiraad aan wax sharci ku fadhiyin ee xataa hadii loo raaco xeerka habka ciqaabta (Criminal law) ee ay xukuumadu ku isticmaasho saxaafadda iyadoo ka cararaysa xeerka saxaafadda Somaliland ee Xeer Lr 27/2004 ee u gaarka ah saxaafadda ee madaniga ah, oo aanu ku jirin xeerkaa ciqaabta ah qodob xukuumadda u saamaxaya inay meherad xayirto.

Marka kaliya ee xeerka ciqaabtu ogolaanayo xayiraada waxa weeyi marka goob faldanbiyeed ka dhacay sida dil, kufsi ama meel la dhacay ay ciidanka Bilaysku si ku meel gaadh ah u xayiraan si farihii (Fingerprint) dadkii dambiga gaysta looga qaado goobtaa.

Xukunkii ay soo qadintay xukuumadu ee ay ku xayirtay xarunta Wargeyska iyo ciidamadii ay ku wareejisay haba ahaadaan xukumo khaldan, waxay  caa’ilada madaxwayne Siilaanyo hadana ku xigsiisay inay xayiraad kale saarto labada Website ee Haatuf iyo Somaliland Times iyo xayiraadii safarka ee Guddoomiyaha iyo Tafatiraha iyo hadana u yeedhis Maxkamadeed oo laga sii daayey warbaahinta oon loo marin nidaamkii iyo jaran-jarooyinkii garsoorka (Due Process of Law) oo markii ay eedaysanayaashii Haatuf maxkamadda u tageen inay is-difaacaan uu dhagaysigii u horeeyey intii aanu bilaabminba xoriyadoodii laga qaaday oo xabsiga sifo sharciga baalmarsan loogu taxaabay.

Dadka aan aqoonta fiican u lahayn Siilaanyo ee u haysta inuu yahay qof wayn oo mutacalim ah oon isku quudheen wax xun oo ceeb iyo tacadi ah ee dawladii dhamayd kula kacayso wargeys yar oo uu waliba mulkiiliyihiisu yahay nin ay halgan dheer soo wada mareen ayaa waxay ku doodaan in malaha ay jiraan dad kale oo masuul ka ah ficiladan fadeexada ah ee caynkaas oo kale.

Dadka sidaas u fikiriya waa kuwa damiirkoodu fayow-yahay oo iyagu ma khaldana inay dhinacaa wanaagsan ka eegaan nin lix sano ku dhawaad guddoomiye u ahaan jiray ururkii SNM haatana ah madaxwaynaha Jamhuuriyadda Somaliland, laakiinse xaqiiqadu sidaas way ka duwan tahay oo Siilaanyo qof ahaan waa nin Cabban oon isku kalsoonayn oo waliba dhaliishana aad u neceb.

Siday dad badani moodayaan madaxwayne Siilaanyo maaha aqoonyahan (Intellectual) arragti gaar ah oo wax ku ool ah ka dhiibankara arrimaha iyo qadiyadaha waawayn ee ka jira dalkan, manddaqadan ama caalamkaba.

Ma jiro higsi iyo arragti fog oo Siilaanyo la yimid wakhtigii halgankii SNM-ta iyo xiligan oo madaxwaynaha yahayba oo la odhankaro waa loo aayey oo Siilaanyo ayaa figradaas lahaa oo uga tagay bulshadiisa oo ay ku liibaantay.

Marka la eego xiligi uu Axmed Siilaanyo ahaa agaasimaha guud ama wasiirka qorshaynta xukuumadii Rajiimkii Siyaad Barre waxa lagu xasuustaa inuu ahaa nin ku wanaagsan marka hawl loo diro oo lagu kormeero (Autocrat) balse sabool ka ah hal-abuurnimada.

Xaga Qiyamka iyo akhlaaqiyaadka (Moral Ethics and Values) marka laga eego, bal maxaa lagu sifaynkaraa madaxwayne ogolaanaya in dawladii dhamayd ee dalka, wasiiradii, xeer ilaalintii, garsoorkii iyo Bilayskiiba ay dhamaantood garyaqaan u noqdaan wiil yar oo uu soddog u yahay oo doonaya in wargeyska wax ka qoray loo xidho???.

Waxay yidhaahdeen Baashe Cawil waa muwaadin lagu khaldamay oo xaq u leh inuu dacwoodo. La iskuma hayo inuu muwaadin yahay xaqna u leeyahay inuu dacwoodo laakiinse lama maqal dawlad mawaadin kaliya u dacwoota oo xeer ilaalintii dalka looyar u dooda uga dhigta, halkii isagu iskii u dacwoon lahaa ama qareen  u qabsanlahaa, sida 3,999, 999 muwaadin ee reer Somaliland ee kale oo ay ku jiraan labada masuul ee Haatuf ee iyagu iskood Looyarada u qabsaday, inkastoo garsoorihii garta qaadayey uu iska hortaagay inay difaacaan labadii eedaysane ee soo wakiishay.

Siilaanyo waxa lu’gooyey inamo yaryar oo RRU la yidhaa oo aanay ragba is arag oo uu ku karbaasho cidkasta oo xukun xumadiisa wax ka sheegta, .

Wuxuu isku halaynayaa Ina Fadal iyo Maxamuud Ducaale oo goob dagaal ka socda aan waligood istaagin, balse si fiican u tabariya markay Baashe Cawil u fulinayaan shirqoolada fulay-nimada leh ee uu kula kaco warbaahinta madaxabanaan sida falalkii kala ahaa isku-dayga dil, weerarka, qabashada iyo xadhiga ee lagu fuliyey Hubaal iyo Haatuf.

Waxaase hubaal ah in Siilaanyo iyo caa’iladiisu ay dhibaatooyin culculus kala kulmi doonaan qaybta danbe ee qorshaha ay la maagan yihiin guddoomiyaha iyo tafatiraha Haatuf ee aargoosiga ugu xidhan wakhtigan.