“Riyo-raac waxaan u Arkaa Miino loo soo Xambaariyey Madaxweynaha”

0
1

Siyaasi Cali-guray Oo Sheegay In Aanay Somaliland Ka Dhacayn Doorasho Ay Qabashadeeda Masuul Ka Yihiin Komiishanka Lagu Muransan Yahay Ee Cabdirashiid Riyo-Raac U Doortay

Hargeysa (Hubaal) – Siyaasiga Cali Maxamed Yuusuf (Cali-guray) ayaa ka hadlay Komiishanka cusub ee lagu muransan yahay oo maanta Guddoomiye u doortay Cabdirashiid Riyo-raac oo ka mid ah laba xubnood oo Xisbiga WADDANI diiddan yahay inay Komiishanka ka mid noqdaan. Mujaahid Cali-guray oo shalay Saxaafadda kula hadlay Hargeysa, ayaa sheegay in aanay Somaliland ka dhacayn doorasho ay qabashadeeda masuul ka yihiin Komiishanka lagu muransan yahay ee Cabdirashiid Riyo-raac u doortay Guddoomiyaha. Cali oo arrimahaa ka hadlayaana wuxuu yidhi “Shalay waxa is doortay Shan nin oo Komiishankii cusbaa ka mid ah, waxayna Guddoomiye  u doorteen Cabdirashiid Riyo-raac oo ah Siyaasi caan ah oo Xisbi gaar ah ku suntan.”

Cali-guray wuxuu sheegay oo kale “Cabdirashiid Riyo-raac waxaan u arkaa Miino loo soo Xambaariyey Madaxweynaha, ka u soo xambaariyeyna ma ahayn Nin ka talinayey Sharafta iyo Karaamada Madaxweynaha Jamhuuriyadda Somaliland.” ayuu yidhi, waxaanu intaa ku daray oo ka jawaabay hadal uu Boqor Buur-madow Warbaahinta mariyey “Buur-madow ayaa ka hadlay, Maalintii hore waad i waydiiseen (Saxaafadda), jawaabtiisana waan ka muquurtay, laakiin Maanta la muquuran maayo, Buur-madow wuxuu yidhi, Sankaa idiin daloola in Cabdirashiid Riyo-raac la aqbalo, waanu ogaa inuu Guddoomiyahana uu noqonayo, waxaan  u sheegayaa (Buur-madow) ma dhacayso komiishan uu hoggaaminayo Cabdirashiid Riyo-raac  oo Dalkan doorasho ka qabanayaa..”

SHARE
Article horeSaddex Wasiir Iyo laba Wasiir ku-xigeen Oo Ay Galaafatay Isku-Shaandhayn Madaxweyne Biixi Ku Sameeyay Golahiisa wasiirrada
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here