Saddex Wasiir Iyo laba Wasiir ku-xigeen Oo Ay Galaafatay Isku-Shaandhayn Madaxweyne Biixi Ku Sameeyay Golahiisa wasiirrada

0
1

Akhri Magacyada Siyaasiyiin Caan Oo Madaxweynu Xilal Ugu Magacaabay Wareegto Uu Soo Saaray + Wasiirradii Biyaha, Warfaafinta Iyo Xanaanada Xoolaha Oo Wasaarado Kale Loo Beddelay

Hargeysa (Hubaal) – Madaxweynaha Somaliland Md. Muuse Biixi Cabdi ayaa maanta isku shaandhayn ku sameeyay Golaha Wasiirrada Xukuumaddiisa, waxaanu Xilkii ka qaaday Wasiirro, kuwo cusubna wuu Magacaabay. War-saxaafadeedka lagu shaaciyey Isku-shaandhaynta oo Hubaal soo gaadhay ayaa u qornaa sidan;

“Madaxweynaha jamhuuriyadda Somaliland, Mudane Muuse Biixi Cabdi, waxa uu wareegtooyin Madaxweyne oo summadahoodu yihiin JSL/XM/XKQ/222/1-387/122019 iyo JSL/XM/WM/222-387/122019 uu xilka qaadis iyo magacaabid ku sameeyey xubno ka mida golaha wasiirada. Waxaanay u dhignaayeen wareegtooyinka madaxweynuhu sidan:-

 Wareegto Madaxweyne

Ujeeddo: Xil Ka-qaadis

 Ku: Cabdirisaaq Cali Cabdi Saalax, Wasiirkii hore ee Wasaaradda Cadaaladda;

Ku: Cabdiraxiim Cismaan Xaaji Cabdi (Shibbiin), Wasiirkii hore ee Wasaaradda Qorshaynta iyo Horumarinta Qaranka

Ku: Cismaan Aadan Jaamac, Wasiirkii hore ee Wasaaradda Waxbarashada iyo Sayniska

Ku: Xuseen Ibraahim Xasan Buuni, Wasiir Ku-xigeenkii hore ee Wasaaradda Qorshaynta iyo Horumarinta Qaranka

Ku: Cabdiqaadir Maxamuud Sh. Muxummed Warsame, Wasiir Ku-xigeenkii hore ee Wasaaradda Horumarinta Maaliyadda

Mudanayaal, Sida aad la socotaan, xilka qaranka ayey sunnihiisa tahay in uu meerto noqdo, oo loo igmado hadba ciddii hannan karta. Sidaa darteed, waxaan gartay in laga bilaabo taariikhda maanta aan idinka qaado xilalka aad hayseen ee kor ku xusan. Waxaan idiinka mahad-celinayaa muddadii aad hayseen xilalka Qaranka.

Ujeeddo: Magacaabid

[Markaan Arkay: Dastuurka Jamhuuriyadda Somaliland, Qodobka 90aad;

Markaan Arkay: Aqoontooda, Kartidooda iyo Waaya-aragnimadooda;

Markaan ku Qancay: In ay Hanan Karaan Masuuliyadda ka Dhalanaysa Xilalkan;

Markaan Sameeyey: La-tashi;

Waxaan Go’aamiyey; In laga bilaabo taariikhda maanta aan masuuliyiintan u magacaabo xilalkan:

Xasan Maxamed Cali Gaafaadhi,  Wasiirka Wasaaradda Qorshaynta iyo Horumarinta Qaranka.

Axmed Maxamed Diiriye Cige, Wasiirka Wasaaradda Waxbarashada iyo Sayniska.

Siciid Sulub Maxamed Xuseen, Wasiirka Wasaaradda Xannaanada Xoolaha iyo Horumarinta Kalluumaysiga.

Saleebaan Yuusuf Cali Koore, Wasiirka Wasaaradda Warfaafinta, Wacyigelinta iyo Dhaqanka.

Maxamed Muuse Diiriye Wacays, Wasiirka Wasaaradda Horumarinta Biyaha.

Mustafe Maxamuud Cali Bile, Wasiirka Wasaaradda Caddaalada.

LiibaanYuusuf Cismaan Xuseen, Wasiir Ku-xigeenka Wasaaradda Arrimaha Dibedda iyo Iskaashiga Caalamiga ah.

Cabdiqaadir Cumar Jaamac Maxamed, Wasiir Ku-xigeenka Wasaaradda Qorshaynta iyo Horumarinta Qaranka.

Mahdi Cabdillaahi Cismaan Maxamed, Wasiir Ku-xigeenka Wasaaradda Horumarinta Caafimaadka.

Muuse Ibraahim Yuusuf Salaf, Wasiir Ku-xigeenka Wasaaradda Horumarinta Maaliyadda.

Cabdillaahi Maxamed Daahir Cukuse, La-taliyaha Madaxweynaha ee Arrimaha Doorashooyinka…”

 ALLAA MAHAD LEH

Muuse Biixi Cabdi

Madaxweynaha JSL.

SHARE
Article horeSharci-jebin: Komishanka Cusub Ee Doorashooyinka Lama Marin Dhaartii Saxda Ahayd Ee Xeerku Waajibiyey
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here