HUBAALMEDIA.COM
Safiirka Itoobiya U Fadhiya Somaliland Oo Ka Hadlay Sababaha Kellifay In Xukuumaddiisu ay Raashin U Soo dirto JSL
February 25, 2017 - Written by Mustafe Faro

DAAWO SAWIRRADA: Xaddiga Gargaar Taakullaynta Abaarta Ah Oo Ay Dawladda  Itoobiya Ku Wareejisay Dhiggeeda Somaliland

Safiirka Itoobiya U Fadhiya Somaliland Oo Ka Hadlay Sababaha Kellifay In Xukuumaddiisu ay Raashin U Soo dirto JSLa

Jigjiga-(Hubaal)-Dawlada Somaliland ayaa shalay la wareegtay deeq Raashin loogu tallogalay dadka abaarahu waxyeeleeyeen ee gobolada dalka oo Dawlada Federaalka Itoobiya bixisay kana koobnayd 16 gawaadhida nooca is-jiidka ah magaalo-xuduudeedka Tog-Wajaale.

Raashinkan oo ka koobnaa laba iyo todobaatan kun Ton oo cuntooyin nafaqaysan ah, saddex kun Ton oo sareen iyo daqiiq ah, laba kun Ton bariis ah, boqol Ton buskut nafaqo ah, Bariis, Caano, Daqiiq iyo noocyada kale raashinkan, oo  wax weyn ka tari doonta taageerada xukuumada Somaliland iyo Guddiga Heer-Qaran ee taakulaynta Abaarahu u fidinayaan bulshada abaarahu saameeyeen ee gobolada dalka ayuu magaalada Tog-wajaale masuuliyiin ka tirsan xukuumada Somaliland, Guddiga heer-qaran ee Taakulaynta Abaaraha iyo guddiga heer-gobol ee Gebilay ku wareejiyey Mr. Ageze Amelo, madaxa qeybta ganacsiga ee Safaarada Itoobiya ku leedahay caasimada Hargeysa.

Mr. Ageze Amelo, oo xafladii wareejinta deeqda xukuumadiisa Itoobiya ka hadlay ayaa sheegay in wadankiisu marwalba dhinac-taagan yahay walaalahooda Somaliland, waxaana hadaladiisi ka mid ahaa,

“Itoobiya mar walba waxay garab-taagan tahay Somaliland, xilliyadda adag, iyo marka caqabadahu la soo gudboonaadaan.xidhiidhkan aan wadaagno Somaliland waa mid qoto-dheer oo cad,”

Wasiiru-dowlaha Wasaarada Arrimaha Dibedda Mr. Muxumed Maxile Boqore oo ka hadlay ayaa yidhi,

“Anigoo ka wakiil ah xukuumada Somaliland, madaxweynaha JSL iyo Madaxweyne-xigeenka, halkan waxaan kula wareegayaan deeq ay innagu caawiyeen walaalaheena Itoobiya.

Mr. Maxile Boqore ayaa sheegay in shacabka labada wadan isku dad yihiin, waxaanu yidhi,

“Isku dad ayeynu nahay waa tan shacabku labada dhinacba degan yihiin, mar walbana, waxyaabo badan ayaa innaga dhexeeya Itoobiya, hadday tahay dhinaca iskaashiga amaanka, ganacsiga, iskaashi badan ayaa innaga dhexeeya.

Xafladii wareejinta deeqda xukuumada Itoobiya ee manta oo masuuliyiinta heer-qaran iyo heer gobo lee Taakulaynta Abaaraha iyo Madax-dhaqameed ka hadleen ayaa dhamaantood soo dhoweeyeen, isla markaana tilmaameen inay muujinayso xidhiidhka labada wadan iyo labada shacab ee Somaliland iyo Itoobiya ka dhexeeya.

La-taliyaha Madaxwaynaha DDSI ee Xuquuqal-Insaanka iyo Xidhiidhka Hay’adaha Caalamiga ahna Wasiir-xigeenka Xafiiska ka hortaga iyo udiyaar-garowga Masiibooyinka DDSI Mudane Anwar Cali oo ka hadlay markii deeqdu ka soo dhaqaaqday magaalada Jigjiga ayaa yidhi,

“Deeqdan oo ka timi Dawlada Federaalka Itoobiya ayaa loogu tallo-galay abaaraha ka jira wadanka jaarkeena ee ah ee Somaliland, taasoo ka turjumaysa sida xukuumada dhexe Itoobiya xog-ogaalka ugu tahay saamaynta abaarahu ay keentay isbedelka cimiladu ku yeesheen Somaliland.”

Deeqdan xukuumada Dhexe ee Itoobiya  ku wareejisay Somaliland oo hore dedaal balaadhan u galay helitaankeeda safiirka Dawlada Federaalka Itoobiya  u fadhiya Somaliland Brg Gen Mr. Berhe Tesfay, isla markaana ah markii labaad ee dalka Itoobiya deeq raashin dhinaca abaaraha ku caawiyaan Somaliland ayaa la filayaa inay kor u qaadi doonta xidhiidhka labada wadan iyo labada  wax weyna ka tari doonto baahiyaad badan oo ay tabayeen shacabka gobolada dalka ee abaarahu saameeyeen.

anwr03 Untitled

Waxaad Hubaal media kala soo xidhiidhi kartaan E-mailaddan 
Hubaal100@hotmail.com 
Hubaal100@gmail.com
 Hubaal100@yahoo.com
COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- DJIBOUTI NEWS
- Farshaxan
- Farriinnews
- Gabileymedia
- Gabiley24
- GabIleytoday
- Gabileynews
- GABILEYNEWS
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- MURTIMAAL.COM
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SAAXILTODAY
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- saylanews/a>
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews