SOHASCO iyo CLIMAX oo Tababar u soo xidhay Arday baratay Cilmiga Qoraalka Mashaariicda iyo Warbixinaha

0
1

Hargaysa (Hubaal); Xarunta Cilmibaadhista iyo Tababarka xirfaddaha ee CLIMAX iyo ururka dhalinyaradda mutadawiciinta ee SOHASCO ayaa tababar u soo xidhay 18 dhallinyaro ah oo iskugu jira gabdho iyo wiilal. Tababarkan oo ku saabsanaa qoraalka mashaariicda iyo qorista warbixinaha (Proposal Writing and report writing), ayaa socday muddo laba toddobaad ah, waxaanu ka qabsoomay xarunta tabarrada ee SOHASCO Youth Centre.

Munaasibaddii lagu soo xidhayey tababarkan waxaa ka soo qayb-galay Gudoomiyaha CLIMAX Mudane Guuleed Maxamed Yaasiin iyo Agaasimaha Fulinta ururka SOHASCO Mudane Cabdirisaaq Xuseen Jaamac. Ugu horrayn,  waxa kulankaasi ka hadlay Mudane Guuleed Maxamed oo isla markaana ahaa Macallinka tababarka bixinayey, isagoo ardayda uga mahad-celiyey sidii fiicnayd ee tababarka u qadanayeen mudadii uu socday iyo siday wakhtiga u ilaalinayeen, waxaa kale oo uu ardayda uga warramay muhiimadda ay leedahay aqoonta ay halkan ku qaadanayeen muddadii labada toddobaad ahayd ee tababarku u socday iyo sida maanta loogu baahan yahay dad leh xirfadda qoraalka mashaariicda iyo qorista warbixinaha (Proposal Writing and report writing Training), waxaanu  kula dardaarmay inay dadaalka halkaasi ka sii wadaan ayna ku dadaalaan markasta sidii ay aqoontooda iyo xirfadahoodaba kor ugu qaadi lahaayeen.

Photo Group: Masuuliyiinta SOHASCO iyo CLIMAX iyo Ardayda tabobarka qaadatay

Isna waxaa halkaasi ka hadlay Agaasimaha Fulinta ee ururka SOHASCO Mudane Cabdirisaaq Xuseen Jaamac, waxaanu arday uga warramay dhibka ay kala kulmi jireen barigii ay bilaabeen ururrada ee ka haysatay qoraalka Mashaariicda iyo Warbixinta diyaarinteeda, waxaanu xusay in siday caqabaddaasi ula halgamayeen ay aqoontii barteen ayna maanta marayaan in ay soo saaraan dad xirfaddaasi leh, si looga gudbo dhibkaasi ay soo mareen oo aanay dhallinyarta shaqadoonka ahi ula kulmin.

Ugu dambaytii, waxaa halkaasi shahaadooyin lagu guddoonsiiyey ardaydii tababarkaasi dhammaysatay.

SHARE
Article horeSomaliland oo Caddeysay Mawqifkeeda Ku Aaddan Safarka La hadal hayo In Farmaajo Ku Imanayo Hargeysa
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here