Somaliland: Garsooreyaal Caan Ah Oo Xilka Laga Qaaday

0
1

Hargeysa (Hubaal) – Guddoomiyaha Maxkamadda sare, ahna Guddoomiyaha Guddiga Cadaaladda Somaliland, Gar-yaqaan Aadan Xaaj Cali Axmed, ayaa xilalkii ka qaaday Guddoomiyaha Maxkamadda Gobolka Maroodi-jeex, Axmed Dalmar Ismaaciil iyo Guddoomiyihii Degmada Hargeysa, Cabdirashiid Beer-geel.

Sidaana waxa lagu sheegay Digreeto ka soo baxday Xafiiska Guddoomiyaha Maxkamadda sare oo u qornayd sidan:-

Ujeeddo: Magacaabid iyo Beddel Guddoomiyeyaal.

Gudddoomiyaha Maxkamadda sare, Markuu arkay Qodobka 107 iyo 108 ee waaxda Garsoorka ee Dastuurka JSL. Markuu arkay Qodobka 31/3 ee xeerka Nidaamka Garsoorka No.3 ee June 1962. Markuu Tixgeliyey, Danta guud ee Cadaaladda.

Sidaasi darteed

Axmed Dalmar Ismaaciil, waxa laga beddelay Guddoomiyaha Maxkamadda Gobolka Hargeys, waxaana loo beddelay garsoore Maxkamadda Rafcaanka G/M/jeex ku meel-gaadh ahaan.

Cabdi Qawdhan Cabdi waxa loo Magacaabay Guddoomiyaha Maxkamadda Gobolka Maroodi-jeex, ku meel-gaadh ahaan.

Cabdirashiid Maxamed Xirsi, waxa laga beddelay Guddoomiyaha Maxkamadda Degmada Hargeysa, waxaana loo beddelay Garsoore Maxkamadda Gobolka Maroodi-jeex ah.

Yaxye Xuseen Yuusuf, waxa loo Magacaabay Guddoomiyaha Maxkamadda Degmada Hargeysa ku meel-gaadh ahaan.

Ku: Axmed Dalmar Ismaaciil.

Ku: Cabdirashiid Maxamed Xirsi

Ku: Cabdi Qawdhan Cabdi

Ku: Yaxye Xuseen Yuusuf.

OG: Guddoomiyaha Maxkamadda Rafcaanka Gobolka G/M/J

Allaa Mahad Leh

Aadam X. Cali Axmed

Guddoomiyaha Maxkamadda Sare

Ahna Guddoomiyaha Guddiga Cadaaladda..”

Geesta kale, Guddoomiyaha xilka laga qaaday ee Maxkamadda Gobolka Maroodi-jeex Axmed Dalmar Ismaaciil ayaa isna Maanta Warbaahinta u sheegay inuu iscasilay “Waxaan Caddaynayaa inaan iska casilay shaqadii Garsoorenimo iyo shaqadii Guddoomiye-nimo ee Maxkamadda Gobolka maroodi-jeex” ayuu yidhi, Gar-yaqaan Dalmar oo Hargeysa kula Warbaahinta.

SHARE
Article horeWershed Samaysa Weelka Caaga Oo Laga Hirgeliyey Hargeysa
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here