Tababar Loo Qabatay 90-kii Haween Ee Ku Soo Baxay Imtixaankii Shaqaalaha Cusub Ee Gobollada Dalka

0
1

Guddoomiyaha Hay’adda Shaqaalaha Dawladda Ayaa Faahfaahiyey Ujeedada Tabobarkan Iyo Waxa Uu La Xidhiidho

Hargeysa (Hubaal) Hay’adda Shaqaalaha Dawladda ee Somaliland, ayaa tababar aqooneed magaaladda Hargeysa ugu qabatay 90 Gabdhood oo shaqaaalihii cusbaa ee dhawaan dawladdu tartanka kaga qaadatay gobolada dalka.

Guddoomiyaha Hay’adda Shaqaalaha Dawladda ee Somaliland, md Sharmarke Axmed Muxumed Geelle ayaa faahfaahiyey tababar la xidhiidha qorshaynta hawl-qabadyada iyo Maaraaynta Xafiisyadda oo ay hay’adda shaqaaluhu u qabatay 90-kii Hablood ee ka mid ahaa shaqaalihii Imtixaanka ay dawladdu kaga qaadatay goboladda dalka ee Somaliland iyada oo dhinaca kale tababarkani 90-ka Gabdhood lagu baraya aqoon la xidhiidha la qabsiga goobaha shaqo iyo hogaaminta suuban, waxaana md Sharmarke qoraalkiisu u dhignaa sidan.

-Waxa maalmihii u dambeeyey Caasimada Somaliland ee Hargeysa ku sugnaa 90-kii hablood ee dhawaan ku guulaystay tartamadii shaqo ee dalka ka qabsoomay kuwaas ooka  kala yimi Goboladda dalka.

-Ujeedada kulankooda ayaa ahaa sidii loo siin lahaa tababaro isugu jira; qorshaynta hawl-qabadyada, maaraynta xafiisyada, la qabsiga goobaha shaqo, hogaaminta iyo abuurida hiigsi halbeegyo wata.

-Dhanka kale, intii casharadu socdeen waxa ay fursad u heleen in ay dhexdooda is bartaan sida oo kalena ay yeeshaan xidhiidho walaalnimo oo dhaw iyaga oo u ballamay kor-u-qaadida adeega shacabka ee heer gobol iyo mid qaran-ba

-Waxaa bogaadin mudan dareenka walaalnimada iyo dalnimada huwan ee guulaysteyaashii hablaha ahaa ee Gobolka Maroodi-jeex ay u soo dhaweeyeen habilhii ka kala yimi Goboladda kale ee dalka.

-Hay’adda Shaqaalaha Dawladdu waxa ay si gaar ah u bogaadinayaan Dallada xidhiidhka Haweenka ee NAGAAD oo taageero iyo kalgacal u muujiyey guulaysteyaashii hablaha ahaa iyo tiro badan oo kamid ah shaqaalaha haweenka ah ee Dawladda.

Jidka loogu jiro Qaran Qalinku Qiimo Leeyahay.

SHARE
Article hore“Madaxweyne Imaaraat ka intan uun ma ka helnaa?”- W/Q. Cabdifataax Rashiid Maxamed
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here