Waa Sidee Xaaladda Madaxweyne-ku-xigeenkii Hore Ee Somaliland Oo Ku Jira Cusbitaal Hargeysa Ku Yaalla

0
1

Madaxweyne Biixi Oo shalay Cisbitaalka Ku Booqday Xasan Ciise Jaamac oo Xaalad Caafimaad Loo Dhigay  Cusbitaal Gargaar Ee Magaalada Hargeysa

Hargeysa (Hubaal) – Madaxweynaha Somaliland Md. Muuse Biixi Cabdi, ayaa shalay Cisbitaalka Gargaar ee Magaalada Hargeysa ku booqday Mujaahid Xasan Ciise Jaamac oo Xaalad Caafimaad-darro la soo deristay.

War qoraal ah oo ka soo baxay Madaxtooyada oo soo gaadhay Hubaal ayaa u qornaa sidan “Madaxweynaha Jamhuuriyadda Somaliland, Mudane Muuse Biixi Cabdi, ayaa maanta booqasho ugu tegay Madaxweyne-ku-xigeenkii hore ee Somaliland, Mujaahid Xasan Ciise Jaamac oo xaalad caafimaad loo dhigay  cusbitaal Gargaar ee magaalada Hargeysa.

Madaxweynaha oo ay wehelinayaan guddoomiyaha golaha wakiillada Jamhuuriyadda Somaliland, Mudane Baashe Maxamed Faarax iyo taliyaha ciidamada Booliska, ayaa wakhti kooban la qaatay Mujaahid Xasan Ciise Jaamac oo xaaladdiisa caafimaad haatan fiican tahay.

Madaxweynaha Jamhuuriyadda Somaliland, Mudane Muuse Biixi Cabdi waxa uu u duceeyey mujaahidka, waxana uu ka xog waraystay xaaladdiisa caafimaad, isaga oo sidoo kale warbixin la xidhiidha suurto-galnimada waxyaabaha loo baahan yahay in loo qabto ka dhegaystay Dhakhtarka xaaladdiisa gacanta ku haya.

Madaxweynaha iyo xubnaha kale ee wehelinayey, ayaa Eebbe uga baryey inuu caafimaad degdeg ah siiyo mujaahidka oo haatan ku jira xaalad kasoo rayn ah oo aad u wanaagsan.

Sidoo kale, waxa uu madaxweynuhu isla Cusbitaalka Gargaar ku booqday Gaashaanle dhexe Cali Maxamedow oo katirsan ciidanka qaranka, kana mid ahaa mujaahidiintii dalka usoo halgamay kaas oo xaalad caafimaad Cusbitaalka ugu jira..”

SHARE
Article horeWakaaladda Madbacadda Qaranka Somaliland Oo Ku Hamiyeysa Inay Noqoto Daabacaadda Geeska Afrika
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here