“Waannu Soo Dhaweynaynaa In Somaliland Ay Dalkeeda Ka Saartay FETO, Waxaana dhammaan Dugsiyadii hay’adaasi Ku Lahayd Dalalka Caalamka La Wareegtay Hay’adda Maarif Foundation Maamulka”

0
1

Dawladda Turkiga Oo Soo Dhaweysay tallaabada ay Xukuumadda Somaliland dalka kaga saartay  Hay’ad Uu Lahaa Waddaadka Maraykanka Degan Ee Fetullah Gulen

Hay’adda TIKA Oo Shaacisay 216 Qalab Oo Ay Ugu Deeqeen Cistbitaalka Hargeysa

Ankara (Hubaal)- Dawladda Turkiga ayaa agab  caafimaad oo muhiim ah ugu deeqday Somaliland, siday werisay   Wakaallada Wararka  Somaliland ee SOLNA oo  soo xigatay Warbixin lagu daabacay  Wakaallada Wararka ee  dalka Turkiga. Hay’adda  TIKA  ee iskaashiga iyo Isku-duwidda u qaabilsan Turkiga, ayaa war-saxaafadeed ay shalay soo saartay ku sheegtay inay qalab tiradiisu yahay 216 shay ay ugu deeqeen Cisbitaalka Guud ee Hargeysa oo u adeega bukaan aad u badan. Qalabka dawladda Turkigu ugu deeqday cisbitaalka guud ee Hargeysa, waxa ka mid ah mishiinka lagu baadho xubnaha jidhka, mishiin lagu eego Wadnaha iyo qalab kale oo loogu talogalay in lagu nadiifiyo agabka caafimaadka. Wakaallada Wararka Turkiga ee  Anadolu, waxay intaas ku dartay  in Wasiirka Horumarinta Caafimaadka Somaliland Dr. Xasan Ismaaciil Yuusuf, uu xafladii  qalabkaas lagu kala gudoomayey  ka caddeeyey  in qalabka Turkigu ugu deeqay uu wax ka tarayo dhinaca horumarinta  adeega Caafimaadka.

Dhinaciisana, Safiirka Turkiga u qaabilsan Somaliland iyo Soomaaliya, Mehmet Yilmaz, ayaa balan-qaaday in dalkiisu sii wadayo caawimada ay siiyaan Somaliland. Waxa kaloo, danjiruhu sheegay inay soo dhaweynayaan in Somaliland ay dalkeeda ka saartay dugsiyo ay laheyd Hay’adda FETO oo uu leeyahay Waddaadka Fetullah  Gulen oo Dawladda Turkigu u taqaanno Argagixiso,kaasi oo ay ku eedeeyeen inuu ka dambeeyey af-gambigii dhicisoobay ee dalkaas ka dhacay bishii  July 2016kii.

“Waxaanu soo dhaweynaynaa in Somaliland ay dalkeeda ka saartay Hay’adda FETO, waxaana la wareegtay Hay’adda Maarif Foundation maamulka dugsiyadii ay ururka FETO ku lahaa dalalka caalamka,”ayuu yidhi Danjire Mehmet Yilmaz,

Ururka FETO iyo Hoggaamiyaheeda degan Maraykanka ee Fetullah Gulen, ayey dawladda Turkigu ku eedaysay inuu soo maleegay afgambigii dhicisoobay ee waddankaas ka dhacay 15kii July 2016kii oo ay ku dhinteen 251 qof, halka 2,200 ku dhaawacmeen.

SHARE
Article horeAl-Shabaab Oo Sheegatay Mas’uuliyadda Weerarka Nairobi
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here