Wasiirka Dastuurka Somaliland Oo Ka Warbixiyey Ujeedada Shirar Iyo Kulamo Caalamiya Oo Uu Kaga Qayb Galay London

0
1

Hargeysa (Hubaal) Wasiirka wasaaradda Dastuurka iyo Xidhiidhka golayaasha Somaliland, Maxamed Xaaji Aadan Cilmi oo safar shaqo ugu maqnaa muddo todobaada dalka UK ayaa ka warbixiyey ujeedada shirar iyo kulamo caalamiya oo uu kaga qayb galay magaalada London.

Maxamed Xaaji Aadan Cilmi oo shalay warbaahinta kula hadlayey Xarunta wasaaradda ee magaalada Hargeysa ayaa sheegay in shirkado kala duwan ay u bandhigeen fursadaha maalgashi ee ka banaan Somaliland , waxana uu yidhi “Shir lagu qabtay London oo ay iskugu yimaadeen in ka badan kun qof oo ku guulaystay horumarka dhinaca ganacsiga, ayaa waxa nooga suuragalay in aanu barro Somaliland meesha ay kasoo jeedo , waxa ay tahay , waxa ay hiigsanayso iyo fursadaha maalgashi ee ka banaan iyada oo runtii ay aad iyo aad u daneeyeen dadkii goobta isugu yimid , waxa kale oo suuragal noqotay in aanu tuso muqaal aan ka duubnay Somaliland oo ka waramaaya taariikhda faca weyn ee dalkeena “

Wasiirka Dastuurka iyo Xidhiidhka golayaasha ayaa sheegay in guddoomiyaha Islamic Channel uu ka markhaati kacay nabadgelyada buuxda ee ka jirta deegaanada Somaliland “guddoomiyaha Islamic channel oo ahaan masuulkii martida loo ahaa ayaa Somaliland si waafiya uga warbixiyey isaga oo sheegay in ay ka amaan badan tahay goobta shirka lagu qabtay oo London ah , taasi oo dadkii goobta ku sugnaa aad iyo aad ula yaabeen “ ayuu ydihi

Maxamed Xaaji Aadan Cilmi  ayaa sida kale shir la qaatay jaaliyadda Somaliland ee UK , kuwaas oo qaadhan laba iyo lixdan kun oo dollar ah u uruurinaaya agoonta iyo danyarta ku dhaqan deegaanada dalka , waxana uu yidhi “waxan shir la qaatay jaaliyadda Somaliland ee UK ,kaasi oo ay qaadhan ugu uruurinaayey agoonta iyo danyarta Somaliland iyaga oo ahaa dadkii halkaa(UK) ku dhashay laakiin dareenka waddaninimo , walaalnimo iyo ehelnimo ayaa ahaa mid aad u heersareeya , iyaga oo ku dhawaaqay qaadhan dhan 180 kun ginni ah una dhiganta 260 kun oo dollar “

Ugu danbayn Wasiirku waxa uu sheegay kulan uu la qaatay Ururka NATO iyo qaar ka mid ah warbaahinta afka dheer ee dunida , waxana uu yidhi “ waxa aan ka qayb galnay kulan Somaliland lagu casuumay oo ah iskaashiga dhinaca baddaha iyo ciidamada oo ay qabteen ururka NATO inaga oo ku naala dhul marin muhiima ah , waxa aanu kulan la qaadnay warbaahinta caalamiga ah ee dunida ugu afka dheer kuwaasi oo aanu ugu waranay Somaliland waxa ay tahay , siyaasadeeda iyo waxa ay xaqa u leedahay oo ah waxa dawlad walba xaq u leedahay “

SHARE
Article horeTababar Loo Qabatay 90-kii Haween Ee Ku Soo Baxay Imtixaankii Shaqaalaha Cusub Ee Gobollada Dalka
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here