“Waxaanu Ka Xunnahay Dilka Loo Geystay Dadka Ka Cabanayey Nolosha Aasaaskeeda, Dadkaa Annaga Ayaa U Odayaal Ah, Annagaa U Tol Ah, Annagaa Bud-Dhig U Ah”

0
1

Salaadiin Reer Somaliland ah oo Ka Hadlay Dad Lagu Laayey Kililka Shanaad

Xaajin (Hubaal) – Qaar ka mid ah Madax-dhaqameedka Gobolka Awdal ee Somaliland ayaa ka hadlay Dil ay sheegeen in Ciidammada Booliska ee degmada Aw Barre ee Kililka Shanaad ee Itoobiya ay deegaanka Xaajin ugu geysteen Dad Shacab ah oo ay tilmaameen inay ka cawdeen adeegyada Aasaasiga ah qaarkood.

Dadka Salaadiintu sheegeen in Booliska Aw Barre ku dileen Deegaanka Xajin ee Kililka Soomaalida Itoobiya ayaa tiradoodu tahay Afar Qof, kuwaasi oo ka mid ahaa Dad dibed-bax ka dhigay halkaasi.

Suldaan Dhawal oo ugu horrayn ka hadlay Shir-jaraa’id oo ay ku qabteen Magaalada Boorama ayaa waxa uu yidhi “Waxaanu ka xunnahay Dilka loo geystay Dadka ka cabanayey nolosha aasaaskeeda, sida Biyaha, Iskuullada Waxbarashada iyo Waddooyinka, in haddii ay wax tawdeen ay Xukuumaddoodii ay Xabbad nool ugu darto. Dadkaa Annagaa u Odayaal ah, Annagaa u tol ah, Annagaa bud-dhig u ah, sina ku aqbali mayno qaabka ay hadda wax u socdaan, Nidaamkaaga xukuumadeed baanu arkaynay Annaga oo wax tabanayney, haddaad Dilna ku dartay, mooyi siday u suurto-geli..”

Suldaan Ibraahim Jaamac Samatar, ayaa isaguna yidhi “Sharcigu ma dhigayo Dad Xuquuqdoodii doonaya oo ka doonayo Maamulkoodii Kililka in Booliskii deegaanka ee iyaga ilaalin lahaa inay iyagii Rasaas ku furan oo Dad ku laayaan, aad iyo aad baanu uga xunnahay, arrin la qaadan karo maaha. Dawladda Federaalka Itoobiya waxaanu leenahay waa in Dadkaa Gacanta ka gardarani dishay arrinkooda waa in si deg-deg ah loo soo faro-geliyo..”

SHARE
Article horeGolaha Wakiillada Oo Diiday Inay Xasaanada Ka Qaadaan Xildhibaan Xidhan
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here