“Waxan Filayay Inuu Xirsi Xuso Labadii Oday Ee Midi miyiga ka keennay midina madaxtoyada keenay, Guusha qudha ee uu leeyahay Waxay Ahyd Labadaas Oday”

0
1

Boqor Buur-madaw Oo Sheegay In Xirsi Ka Lib-gaday Shakhsiyaad Abaal Ku Leh  Noloshiisa Oo Soo Hadal-qaadkoodu  Sharaf U Yeelli Lahaa Buugga Uu Qoray

 

“Waxaan Anigu Saluugay Khudbadii Uu Xirsi Madasha Ka Jeediyey, Marka Laga Eego Dhinaca Mahadnaqa, Taasina Allaylahe Inaadeer Golihii Bandhiga Way Seegtay”

Hargeysa (Hubaal)- Boqor Cismaan Aw Maxamuud Buurmadow oo kamid ah madax dhaqameedka reer Somaliland gaar ahaanna beellaha bariga gobolka Togdheer ayaa sharaxay aragtida uu ka qabo buuga hadal haynta badan dhaliyey, ee uu qoray Xirsi Cali Xaaji Xasan hoggaamiyaha xisbiga WADDANi, kaasi  oo habeen saddexaadkii lagu soo bandhigay magaallada Hargeysa. Boqor Buurmadaw ayaa isagu farta ku goday nuxurka Buuggan oo uu ku tilmaamay in ay ka maqan yihiin qoddobo uu  filayay in Xirsi ku soo qaato Buuggiisa kuwaas oo qurxin lahaa farriinta uu xambaarsan yahay buuggu.

Boqorku waxaa uu sheegay inay meesha ka maqan tahay llaba oday oo uu filayay boqor ahaan in Xirsi u mahadnaqo, waxaanu hadalkiisa ku bilaabay “Horta anigu buugga Xirsi maan akhriyin, Mana jecli inaan ka faalloodo maadaama aanan akhriyin weli, Haddiise aan daawaday xafladii lagu soo bandhigay buuga waxaan anigu Saluugay khudbadii uu Xirsi Madasha ka jeediyey, marka laga eego dhinaca mahadnaqa. Waayo waxaan filayay in uu Xuso  oo uu hadalkiisa ku daro ciddii tacabkiisa lahayd oo ahaa labada Oday Ee Maxamed Siciid Ducaalle (Dahabshiil) oo isagu sabab u ahaa in uu [Xirsi ahaan] Baro Axmed Siilaanyo.  Taasi ayaa mudnayd buugana sharaf u ahayd in uu muhiimada saaro, halka uu kaga dheeraaday Xasan Madar iyo Xuseen Dayr. Taasina Allaylahe Inaadeer golihii bandhiga way seegtay”. Sidaasi ayuu Buurmadow ku yidhi qoraal kooban oo uu ku daabacay barta uu ku leeyahay degelka xidhiidhka Bulshada ee Facebook, waxana uu intaas ku ladhay “ Guusha qudha ee uu leeyahay  Xirsi waa in uu xuso Maxamed Siciid iyo Axmed Siilaanyo, waana labadii buugga la macnaha ahaa ee Midina uu miyiga ka keennay midina uu madaxtoyada keenay”.

SHARE
Article hore“Qofku Ha Qoro Buug Laakiin Haddii La Naqdiyo Ama Doodi Ka Dhalato Waxa Looga Baahan Yahay Inuu Difaaci Karo”
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here