Xisbiyada Mucaaridka Somaliland [UCID & WADDANI] oo Sabtida Maanta ah Shir Ka Yeelanayaan Xaaladda Dalku Marayo

0
1

“Somaliland Waxay Maraysaa Meel Aanan Is Lahayn Way Gaadhi Doontaa, Sabtida {Maanta] Labadayada Xisbi Waxaanu Isugu Imanaynaa Shir” Faysal Cali-waraabe

Hargeysa (Hubaal) – Guddoomiyaha Xisbiga Mucaaradka ah ee UCID, Eng. Faysal Cali Waraabe ayaa sheegay in labada Xisbi Mucaarad ee WADDANI iyo UCID ay Sabtida oo maanta ah shir ka yeelanayaan xaaladda dalku marayo. Faysal oo khamiistii dooraad ka soo noqday socdaal uu dalka dibeddiisa ugu maqnaa ayaa markii uu Madaarka Cigaal ee Hargeysa ka soo degay wuxuu Warbaahinta u sheegay in Somaliland marayso meel halis ah oo aanu is lahayn way gaadhi doontaa. “Somaliland waxay maraysaa meel aanan is lahayn way gaadhi doontaa..” ayuu yidhi Guddoomiyaha UCID.

Guddoomiye Faysal wuxuu sheegay in Shacabka Somaliland uu ka werwersan yahay xaaladda uu dalka Somaliland marayo, sidaasi darteed ay Labada Xisbi ee UCID iyo Waddani ay Sabtida isugu imanayaan shir ay Xaaladda dalka kaga tashanayaan “Sabtida, labadayada Xisbi waxaanu isugu imanaynaa Shir, waxaanuna go’aamo ka soo saari doonaa Xaaladda dalku marayo” ayuu yidhi, waxaanu intaa ku daray “Shacabka waxaanu la wadaagi doonaa xog….”

Faysal oo uu Garoonka Diyaaradaha Hargeysa ku soo dhaweeyay Hoggaamiyaha  Xisbiga Waddani,  Xirsi Cali Xaaji Xasan ayaa hadalkiisu imanayaa laba maalmood ka dib, markii Madaxweynaha Somaliland Md. Muuse Biixi Cabdi uu doraad sheegay inuu furayo Ururrada siyaasadda Somaliland.

SHARE
Article horeArrin Layaab Leh Oo Dhex Martay Wiil Taageera Manchester United Iyo Tababaraha Liverpool
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here