“Maalin Kasta Qof Muwaadin Ah Ayaa Xuquuqdiisa ay Saxaafadu Meel Kaga Dhacdaa, Mana Arag SOLJA Oo Ka Hadlaya Ama Ururada Matala Oo Leh, Ciddaas Ayaa Dambi Laga Galay”

0
4

Wasiir Warfaafinta Somaliland Oo Sheegay In Saxaafadu Maalin Kasta Qof Reer Somaliland Ah ay Xuquuqdiisa Meel Kaga Dhacdo

Waxa Uu Ka Dalbaday Ururrada Suxufiyiinta Somaliland Ee SOLJA Ka Midka Tahay Inay Keenaan Xogta Dambiyada Ay Suxufiyiintu Ka Galaan Dadweynaha

Hargeysa, (Hubaal) – Wasiirka Warfaafinta Somaliland, Saleebaan Cali Koore oo hadal ka jeediyey kulan shalay lagaga tashanayey xeerka Saxaafada Somaliland ee la doonayo in la horgeeyo golayaasha dalka ayaa waxa uu ka dalbaday Wasiirku ururada Suxufiyiinta Somaliland ee SOLJA ka midka tahay inay keenaan xogta dambiyada ay suxufiyiintu ka galaan dadweynaha, isla markaana aanay ku koobnaan oo kaliya inay suxufiyiinta difaacaan.

Wasiirku waxa uu intaa ku daray in aanu arag ururka SOLJA oo ka hadlaya qoraalada websiyada iyo qaar ka mid ah telefishanada dalku waxyaalaha ay ku hadlaan ee xadgudubka ku ah dadka oo ay soo bandhigaan, sida uu Wasiirku hadalka u dhigay.

“Xuquuqda aynu u baahanay ee qofka bani’aadamka ahi, xuquuq baad leedahay ana xuquuq baan leeyahay, dalka dawladda ayaa ka masuul ah qofka muwaadinka ah, maalin kasta qof muwaadin ah oo reer Somaliland ah ayaa xuquuqdiisa meel saxaafadu kaga dhacdaa oo aanu ka akhrinaa website-yada, oo ay ku eedeeyaan isagoon maxkamad gaadhin inuu dambigaa sameeyey, oo uu noocaa yahay, oo uu dambiile yahay.

Ma arag ururka SOLJA oo ka hadlaya website-yada iyo waxay qorayaan, Telefishanada qaarkood waxay ku hadlaan, ma arag suxufiyiinta oo leh ama ururada matala oo leh, cidaas ayaa dambi laga galay.

Waxa uu lahaa mar dhaweyd waxaanu soo gudbin doonaa suxufiyiinta dambiyadii laga galay, ma haysaan Somaliland xuquuqda Somalilanders-ka kale laga galay iyo dambiga ay saxaafadu ka gashay ma haysaan, ma la soo bandhigayaa. Ururada SOLJA iyo WIJA la mid ahi, maaha inay yidhaahdaan xigmadoodu inay yidhaahdaan suxufiyiinta uunbaanu u doodaynaa,” ayuu yidhi Wasiir Saleebaan Cali Koore.

SHARE
Article horeAqoonyahan Si Wanaagsan Looga Yaqaano Somaliland Oo Muqdisho Xisbi Kaga Dhawaaqay
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here