SOMALILAND: Beelaha Bariga Iyo Galbeedka Burco Oo Is Laab-xaadhanaya Iyo Hoggaanka Dhaqanka Oo Shaaciyey Shir Bishan Ka Dhacaya Magaaladaas

0
4

“Shirkani waa shir Beeleed, waa Shir dhaqan, shir siyaasad Shaqo ku leh maaha, waxay ka wada-hadlayaan (Labada Beelood) wixii ay gudahooda ay kala tirsanayeen” Suldaan Cabdillaahi Suldaan Cali

 Hargeysa (Hubaal) – Hoggaanka Madax-dhaqameedka Beelaha Habar Jeclo iyo Gar-xajis ayaa shaaciyey inuu 15-ka bishan Magaalada Burco ka qabsoomayo Shir dhaqameed u dhexeeya labadaa beelood. Shirkan oo ay Gogoshiisa fidisay Beesha Habar Jeclo ayaa waxa muddo uu qabsoomayo iyo ujeeddada laga leeyahay shaaciyey Suldaanka guud ee Beesha Habar Jeclo Suldaan Cabdillaahi Suldaan Cali, kaasi oo Saxaafadda kula hadlay Hargeysa oo odayaasha labada dhinac kaga wada-hadleen diyaar-garowga Shirkaasi.

Suldaan Cabdillaahi wuxuu sheegay in Shirkani aanu lug ku lahayn Siyaasad, balse uu yahay mid dhaqan oo labada beelood isku Laab-xaadhayaan, waxaanu yidhi “Shirkani waa shir Beeleed, waa Shir dhaqan, shir siyaasad Shaqo ku leh maaha, waxay ka wada-hadlayaan (Labada Beelood) wixii ay gudahooda ay kala tirsanayeen, dhaqaalahooda iyo wanaag-faristooda iyo siday Dhulkooda u dhisan lahaayeen, markaa waa Shir Walaalnimo iyo Laab-xaadhasho..”

Suldaan Cismaan Suldaan Cali Madar oo ka mid ah Madax-dhaqameedka waaweyn ee Beesha Gar-xajis oo isaguna halkaa ka hadlay ayaa yidhi “Munaasibaddan aanu isugu nimid waxaanu isla qaadanay in Shirkii dhowr jeer oo horena aanu muddaynay uu noqdo bishan 15-keeda, haddii Allaah yidhaahdo, Madashuna ay Burco noqoto..”

SHARE
Article horeMa Ilduuf Nololeed Baa Ina Helay, Mise Arrad Aqooneed!!!
Mustafe Mohammed Abdullahi better known as Mustafe Faro is a Somali journalist, writer and cameraman. Now Mustafe is the chief editor of Hubaal newspaper - a daily Somali magazine issued from Hargeisa, Somaliland. He was former the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com/mustafefaro@hotmail.com or +252 63 4097497

A REPLY TAGO

Please enter your comment!
Please enter your name here