Xidiggii Hore Ee Kubadda Cagta George Weah Oo Loo Doortay Madaxweynaha Liberia

0
124

George Weah ayaa iskudaygii labaad waxa uu ku noqday madaxweynaha Liberia.

Iyadoo la tiriyay inta badan codadkii laga dhiibtay wareegga labaad ee doorashada Liberia ayaa Mr Weah waxa uu weli ka horreeyay ninka ay tartamayeen Joseph Boakai.

Waxa uu badeli doonaa madaxweyne Ellen Johnson Sirleaf, oo ah haweeneydii ugu horreysay ee loo doorto inay hogaamiso dal Afrikaan ah, waana markii ugu horreysay taariikhda Liberia muddo tobannaan sanno ah oo awoodda si dimuqraadi ah la isugu kala wareejiyo.

Mrs Sirleaf ayaa ka adkaatay Mr Weah wareeggii labaad ee doorashooyinkii la qabtay 2005, kaddib markii uu dhammaaday dagaalkii sokeeye ee dalkaasi halakeeyay.

Haddaba markii gelinkii dambe ee Khamiista uu soo baxay warka sheegaya guusha Mr Weah ayaa taageerayaashiisa waxa ay bilaabeen inay ku dabaaldegaan magaalada caasimadda ah ee Monrovia.

Ololaha xidiggii hore ee kubadda cagta ayaa waxa uu ku wajahnaa dhalinyarada, halka madaxweyne ku xigeenka xilka sii banaynaya Mr Boakai loo arkayay inuu yahay nin da’ ah oo waqtigiisii soo qaatay.

Hasayeeshee doorashada Mr Weah ayaanay dood ka marnayn maadaama madaxweyne ku xigeen uu usoo xushay Jewel Taylor, xaaskii hore ee dagaal ooge ahna madaxweynihii hore ee waddankaasi Charles Taylor, kaas oo haatan dambiyo dagaal xabsi ugu jira waddanka UK.

Xigasho: bbc

SHARE
Article horeBerbera UAE Base and the Patriot Act
Article soo socdaXisbiga WADDANI Oo Ka Hadlay Maamulka Hawada Ee Soomaaliya Lagu Wareejiyay (Daawo)
Mustafe Mohammed Abdullahi better known as Mustafe Faro is a senior Somali journalist, writer and cameraman. Mustafe is the head of programmes of Hubaal newspaper - a daily Somali magazine issued from Hargeisa, Somaliland. He is the assistant editor of the Independent Newspaper in Hargeisa, also the assistant editor of Somali Commentator. You can contact him through his E-mail: loodh2013@gmail.com or +252 63 4097497

A REPLY TAGO

Please enter your comment!
Please enter your name here